തിരുവനന്തപുരം: സംസ്ഥാനത്ത് പെയ്യുന്ന അതിശക്തമായ മഴയുടെയും പ്രകൃതിക്ഷോഭങ്ങളുടെയും പശ്ചാത്തലത്തിൽ ഓഗസ്റ്റ് 5 ബുധനാഴ്ച 10 ജില്ലകളിലെ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർമാർ അവധി പ്രഖ്യാപിച്ചു (Kerala rain school college holiday August 5 2026). കാസർകോട്, കണ്ണൂർ, വയനാട്, കോഴിക്കോട്, തൃശ്ശൂർ, എറണാകുളം, ഇടുക്കി, ആലപ്പുഴ, കോട്ടയം, പത്തനംതിട്ട എന്നീ ജില്ലകളിലാണ് പ്രൊഫഷണൽ കോളേജുകൾ ഉൾപ്പെടെയുള്ള (ചില ജില്ലകളിൽ ഒഴിവ്) പഠനകേന്ദ്രങ്ങൾക്ക് അവധി നൽകിയിരിക്കുന്നത്.
ജില്ല തിരിച്ചുളള വിവരങ്ങൾ:
ആലപ്പുഴ, എറണാകുളം, ഇടുക്കി, പത്തനംതിട്ട, കോട്ടയം, കാസർകോട്, തൃശ്ശൂർ: പ്രൊഫഷണൽ കോളേജുകൾ, അങ്കണവാടികൾ, സ്കൂളുകൾ, സി.ബി.എസ്.ഇ/ഐ.സി.എസ്.ഇ, ട്യൂഷൻ സെന്ററുകൾ, മദ്രസകൾ ഉൾപ്പെടെയുള്ള എല്ലാ സ്ഥാപനങ്ങൾക്കും അവധി ബാധകമാണ്.
കണ്ണൂർ & കോഴിക്കോട്: പ്രൊഫഷണൽ കോളേജുകൾ ഒഴികെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും മദ്രസകൾക്കും അവധിയാണ്.
വയനാട്: പ്രൊഫഷണൽ കോളേജുകൾ ഉൾപ്പെടെ അവധിയാണെങ്കിലും മുഴുവൻ വിദ്യാർത്ഥികളും താമസിച്ചു പഠിക്കുന്ന റെസിഡൻഷ്യൽ സ്കൂളുകൾക്കും കോളേജുകൾക്കും ഇളവുണ്ട്.
അതേസമയം, മുൻകൂട്ടി നിശ്ചയിച്ച പൊതുപരീക്ഷകൾ, സർവകലാശാല പരീക്ഷകൾ, പി.എസ്.സി അഭിമുഖങ്ങൾ എന്നിവയ്ക്ക് മാറ്റമുണ്ടായിരിക്കുന്നതല്ല.
യാത്രാ വിലക്കും ജാഗ്രതാ നിർദ്ദേശങ്ങളും:
വയനാട് ജില്ലയിൽ റെഡ് അലർട്ട് നിലനിൽക്കുന്നതിനാൽ ഡി.ടി.പി.സിക്ക് കീഴിലുള്ള എല്ലാ വിനോദസഞ്ചാര കേന്ദ്രങ്ങളും അടച്ചു. കൂടാതെ കോഴിക്കോട് വയനാട് അതിർത്തിയിലുള്ള താമരശ്ശേരി ചുരത്തിലും പാൽചുരത്തിലും ഗതാഗത നിയന്ത്രണം ഏർപ്പെടുത്തിയിട്ടുണ്ട്. അത്യാവശ്യ ഘട്ടങ്ങളിൽ മാത്രമായി ചുരം യാത്ര പരിമിതപ്പെടുത്തണമെന്ന് ഭരണകൂടം അറിയിച്ചു.
Story Summary: Due to heavy and relentless rains across Kerala, District Collectors have declared a holiday for educational institutions in 10 districts—Kasaragod, Kannur, Wayanad, Kozhikode, Thrissur, Ernakulam, Idukki, Alappuzha, Kottayam, and Pathanamthitta—for Wednesday, August 5. Pre-scheduled examinations remain unchanged, while travel restrictions have been imposed in major pass routes like Thamarassery Churam.
