തഞ്ചാവൂർ: നടി തൃഷയ്ക്കെതിരെ അശ്ലീല പരാമർശം നടത്തിയെന്ന കേസിൽ അറസ്റ്റിലായ തമിഴ്നാട് പ്രതിപക്ഷ നേതാവും ഡി.എം.കെ യുവാജന വിഭാഗം നേതാവുമായ ഉദയനിധി സ്റ്റാലിന് സ്റ്റേഷൻ ജാമ്യം (Udhayanidhi Stalin station bail Thanjavur). ചെന്നൈയിൽ നിന്ന് കസ്റ്റഡിയിലെടുത്ത് തഞ്ചാവൂരിലെ ചെങ്കിപ്പട്ടി പോലീസ് സ്റ്റേഷനിലെത്തിച്ച് ചോദ്യം ചെയ്ത ശേഷമാണ് ചൊവ്വാഴ്ച രാത്രി അദ്ദേഹത്തിന് ജാമ്യം അനുവദിച്ചത്.
കാവേരി വിഷയവുമായി ബന്ധപ്പെട്ട് ഡി.എം.കെ തഞ്ചാവൂരിൽ സംഘടിപ്പിച്ച പ്രതിഷേധ പ്രകടനത്തിനിടയിലായിരുന്നു കേസിനാസ്പദമായ സംഭവം. മുൻകൂട്ടി തൃഷയുടെയോ തമിഴക വെട്രി കഴകം (TVK) അധ്യക്ഷൻ വിജയിയുടെയോ പേര് പ്രസംഗത്തിൽ നേരിട്ട് പറഞ്ഞിട്ടില്ലെന്ന് ഉദയനിധിയുടെ അഭിഭാഷകർ ഹൈക്കോടതിയിൽ വ്യക്തമാക്കിയെങ്കിലും വലിയ രാഷ്ട്രീയ സംഘർഷങ്ങൾക്കാണ് കേസ് വഴിവെച്ചത്.
ഡി.എം.കെ സമർപ്പിച്ച ഹർജി പരിഗണിച്ച മദ്രാസ് ഹൈക്കോടതി, ഉദയനിധിയെ ചോദ്യം ചെയ്ത ശേഷം സ്വന്തം ജാമ്യത്തിൽ വിട്ടയക്കണമെന്ന് ജസ്റ്റിസ് ജി.കെ. ഇളന്തിരയ്യൻ ഉത്തരവിട്ടിരുന്നു. ഇതിനെ തുടർന്നാണ് ചോദ്യം ചെയ്യലിന് ശേഷം പോലീസിന് ജാമ്യം അനുവദിക്കേണ്ടി വന്നത്. പുറത്തിറങ്ങിയ ഉദയനിധിക്ക് വൻ സ്വീകരണമാണ് പാർട്ടി പ്രവർത്തകർ സ്റ്റേഷന് മുന്നിൽ ഒരുക്കിയത്.
Story Summary: DMK Youth Wing leader Udhayanidhi Stalin was granted station bail by Changipatti police in Thanjavur following hours of questioning over alleged inappropriate remarks against actress Trisha. The bail was issued on personal bond as directed by the Madras High Court.
