തിരുവനന്തപുരം: കാത്തിരിപ്പുകൾക്ക് വിരാമമിട്ടുകൊണ്ട് സംസ്ഥാനത്ത് കാലവർഷം നാളെ (മെയ് 26) കേരള തീരത്തെത്തിയേക്കുമെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. ഇതിന്റെ മുന്നോടിയായി ഇന്ന് സംസ്ഥാനത്ത് പരക്കെ കനത്ത മഴയ്ക്ക് സാധ്യതയുണ്ട്. നിലവിലെ സാഹചര്യത്തിൽ ഇന്ന് പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, മലപ്പുറം, കോഴിക്കോട്, വയനാട് എന്നീ ഒൻപത് ജില്ലകളിൽ യെല്ലോ അലർട്ട് പ്രഖ്യാപിച്ചു.(Kerala Monsoon Expected Tomorrow Yellow Alert Issued For Nine Districts Today)
മഴയ്ക്കൊപ്പം മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. താഴ്ന്ന പ്രദേശങ്ങളിലും നദീതീരങ്ങളിലും വെള്ളക്കെട്ട് രൂപപ്പെടാൻ സാധ്യതയുള്ളതിനാൽ ഈ പ്രദേശങ്ങളിലുള്ളവർ മുൻകരുതൽ സ്വീകരിക്കണം. മലയോര മേഖലകളിൽ ഉരുൾപൊട്ടലിനും മണ്ണിടിച്ചിലിനും സാധ്യതയുള്ളതിനാൽ പ്രത്യേക ജാഗ്രത പുലർത്തണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. കനത്ത മഴയുള്ള സമയങ്ങളിൽ അത്യാവശ്യമല്ലാത്ത യാത്രകൾ പൂർണ്ണമായും ഒഴിവാക്കി സുരക്ഷിത മേഖലകളിൽ തുടരണമെന്നും നിർദ്ദേശമുണ്ട്.
വിവിധ ജില്ലകളിൽ വരും ദിവസങ്ങളിൽ പ്രഖ്യാപിച്ചിട്ടുള്ള യെല്ലോ അലർട്ടുകൾ താഴെ പറയുന്ന പ്രകാരമാണ്:
25/05/2026 (ഇന്ന്): പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, വയനാട്.
26/05/2026 (നാളെ): തിരുവനന്തപുരം, കൊല്ലം, ആലപ്പുഴ, എറണാകുളം.
27/05/2026 (ബുധൻ): തിരുവനന്തപുരം, കൊല്ലം, ആലപ്പുഴ.
28/05/2026 (വ്യാഴം): തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി.
Story Summary
The South West Monsoon is expected to hit the Kerala coast tomorrow, with widespread heavy rain predicted across the state today. A yellow alert has been issued for nine districts today, and the Disaster Management Authority has warned residents in low-lying and hilly areas to stay vigilant against flooding and landslides.
