കൊച്ചി: കശുവണ്ടി വികസന കോർപ്പറേഷൻ അഴിമതിക്കേസുമായി ബന്ധപ്പെട്ട് പ്രോസിക്യൂഷൻ അനുമതി ഉത്തരവിൽ ഹൈക്കോടതിക്കെതിരെ പരാമർശം നടത്തിയ ഉദ്യോഗസ്ഥർക്കെതിരെ കോടതിയുടെ രൂക്ഷവിമർശനം. ഉത്തരവിൽ കോടതിയെ അപകീർത്തിപ്പെടുത്തുന്ന രീതിയിൽ പരാമർശം ഉൾപ്പെടുത്തിയതിന് വ്യവസായ വകുപ്പ് പ്രിൻസിപ്പൽ സെക്രട്ടറിക്കെതിരെ ഹൈക്കോടതി കോടതി അലക്ഷ്യക്കേസ് എടുത്തു.(Kerala High Court Registers Contempt Case Against Principal Secretary Over Cashew Corruption Case Order)
വരും വെള്ളിയാഴ്ച അദ്ദേഹം കോടതിയിൽ നേരിട്ട് ഹാജരാകണമെന്നും ജസ്റ്റിസ് കർശന നിർദ്ദേശം നൽകി. നീതിന്യായ വ്യവസ്ഥയ്ക്ക് മേലുള്ള കടന്നാക്രമണമാണ് ഉദ്യോഗസ്ഥരുടെ ഭാഗത്തുനിന്നും ഉണ്ടായതെന്ന് കോടതി നിരീക്ഷിച്ചു. “എന്ത് അസംബന്ധമാണ് നിങ്ങൾ കാണിച്ചുകൂട്ടുന്നത്? എങ്ങനെയാണ് ഇത്തരം ഒരു വിവാദ ഉത്തരവ് പുറപ്പെടുവിക്കാൻ സാധിക്കുന്നത്?” എന്ന് ഹൈക്കോടതി ചോദിച്ചു.
ഈ ഉത്തരവ് അപകടകരവും അനാവശ്യവുമാണ്. ആദ്യ ഉത്തരവ് തയ്യാറാക്കിയത് കേസിലെ പ്രതിയാണോ എന്ന് സംശയിക്കേണ്ടിയിരിക്കുന്നു. കോടതിയെ അധിക്ഷേപിച്ചുകൊണ്ട് പ്രതി വാർത്താസമ്മേളനം വരെ നടത്തി. തങ്ങൾ സർക്കാരിനെയല്ല വിമർശിക്കുന്നത്, മറിച്ച് ഉദ്യോഗസ്ഥരുടെ ഇത്തരം പ്രവൃത്തികളെയാണെന്നും കോടതി വ്യക്തമാക്കി. ഉത്തരവ് പുറപ്പെടുവിച്ചയുടൻ അത് പ്രതിക്ക് കൈമാറുകയാണ് സെക്രട്ടറി ചെയ്തത് എന്നും ഹൈക്കോടതി കടുത്ത ഭാഷയിൽ വിമർശിച്ചു.
Story Summary
The Kerala High Court registered a suo motu contempt case against Industry Department Principal Secretary for incorporating remarks against the High Court in a prosecution sanction order related to the Cashew Development Corporation corruption case. The Single Bench heavily criticized the official, questioning if the order was drafted by the accused to sabotage the system, and ordered him to appear in person on Friday.
