മധ്യപ്രദേശിലെ ഇൻഡോറിൽ കനത്ത മഴയെത്തുടർന്നുണ്ടായ വെള്ളക്കെട്ടിനിടയിലും വിവാഹ ചടങ്ങുകൾ മുടങ്ങാതെ നടത്തിയ ദമ്പതികളുടെ വീഡിയോ സോഷ്യൽ മീഡിയയിൽ വൈറലാകുന്നു (Indore Flooded wedding venue). ഡൽഹിയിൽ നിന്ന് ഇൻഡോറിലെ സി.എ.ടി റോഡിലുള്ള ഒരു മാരിയേജ് ഗാർഡനിൽ വിവാഹത്തിനായി എത്തിയതായിരുന്നു ദമ്പതികൾ. എന്നാൽ, ശക്തമായ മഴയിൽ വേദി പൂർണ്ണമായും വെള്ളത്തിനടിയിലായി. വിവാഹം മാറ്റിവെക്കാൻ തയ്യാറാകാതെ, വെള്ളക്കെട്ടിനെ അതിജീവിച്ച് ദമ്പതികൾ വിവാഹ ചടങ്ങുകൾ പൂർത്തിയാക്കുകയായിരുന്നു.
‘बारिश के बीच देखिए ये अनोखी शादी’
मध्य प्रदेश के इंदौर में तेज बारिश के कारण एक मैरिज गार्डन में जलभराव हो गया. इसके बावजूद दूल्हा-दुल्हन ने पूरे उत्साह के साथ शादी की सभी रस्में निभाईं. दूल्हे ने दुल्हन को गोद में उठाकर पानी से भरे रास्ते को पार कर मंडप तक पहुंचाया, जहां दोनों… pic.twitter.com/0DgrUbfQc2
— zingabad (@zingabad) July 7, 2026
വിവാഹ വസ്ത്രങ്ങൾ അണിഞ്ഞെത്തിയ വധുവിനെ വെള്ളക്കെട്ടിലൂടെ വരൻ തന്റെ കൈകളിൽ എടുത്തു നടന്ന് മണ്ഡപത്തിൽ എത്തിക്കുന്നതാണ് വീഡിയോയിലെ ഏറ്റവും ഹൃദയസ്പർശിയായ ദൃശ്യം. ശേഷം ഭക്ഷണശാലയിലേക്കും വരൻ വധുവിനെ എടുത്തു കൊണ്ടുപോകുന്നത് വീഡിയോയിൽ കാണാം. മുട്ടോളം വെള്ളത്തിൽ നിന്നുകൊണ്ടാണ് ഇരുവരും ‘സപ്തപദി’ പൂർത്തിയാക്കിയത്. അതിഥികളും ഏറെ ബുദ്ധിമുട്ടി വെള്ളത്തിലൂടെ നടന്നുതന്നെയാണ് ചടങ്ങിൽ പങ്കെടുത്തത്. മണ്ഡപത്തിന് ചുറ്റും ചെരുപ്പുകൾ ഒലിച്ചുപോകുന്ന കാഴ്ച വരെ വീഡിയോയിൽ കാണാനുണ്ട്.ജൂലൈ മാസത്തിൽ ലഭിക്കേണ്ട ശരാശരി മഴയുടെ പകുതിയിലധികം ആദ്യ ആഴ്ചയിൽ തന്നെ ഇൻഡോറിൽ ലഭിച്ചിരുന്നു. ഇതേത്തുടർന്ന് നഗരത്തിന്റെ പല ഭാഗങ്ങളിലും കനത്ത വെള്ളക്കെട്ടാണ് ഉണ്ടായത്. വിവാഹവേദിയിൽ ഏകദേശം ഒന്നര മുതൽ രണ്ട് അടി വരെ വെള്ളം ഉയർന്നിരുന്നു. എന്തുതന്നെയായാലും, മോശം കാലാവസ്ഥയിലും തളരാതെ തങ്ങളുടെ വിവാഹം മനോഹരമാക്കിയ ദമ്പതികൾക്ക് അഭിനന്ദനപ്രവാഹമാണ് സോഷ്യൽ മീഡിയയിൽ. മഴ പ്രണയത്തെ കൂടുതൽ മനോഹരമാക്കിയെന്നും, പ്രതിസന്ധികളിലും ദൃഢനിശ്ചയത്തോടെയുള്ള ദമ്പതികളുടെ സ്നേഹം വിജയിച്ചു എന്നും സോഷ്യൽ മീഡിയ ഒരേ സ്വരത്തിൽ പറയുന്നു.
Summary: A wedding in Indore, Madhya Pradesh, has gone viral after a groom carried his bride through a flooded venue caused by heavy monsoon rains to complete their rituals. Despite the waterlogging, the couple refused to postpone their special day, winning praise online for their resilience and determination to celebrate their wedding regardless of the challenging weather conditions.
