തിരുവനന്തപുരം: തലസ്ഥാനത്തെ നിലവിലുള്ള മാലിന്യസംസ്കരണ പദ്ധതികൾ പൂർണ്ണമായും പര്യാപ്തമല്ലെന്നും അത് കൂടുതൽ മെച്ചപ്പെട്ടതാക്കാനുള്ള തീവ്രശ്രമത്തിലാണ് നഗരസഭയെന്നും തിരുവനന്തപുരം മേയർ വി.വി. രാജേഷ്. കോർപ്പറേഷനിൽ ബിജെപി ഭരണം ആരംഭിച്ച് ആറു മാസം കഴിഞ്ഞിട്ടും ഭരണത്തിനെതിരെ കാതലായ ഒരു അഴിമതിയോ വിമർശനമോ ഉന്നയിക്കാൻ പ്രതിപക്ഷത്തിന് കഴിഞ്ഞിട്ടില്ല. ഈ സാഹചര്യത്തിൽ ഭരണം നഷ്ടപ്പെട്ടതിന്റെ വിഷമത്തിൽ സിപിഎം തന്നെ നഗരത്തിൽ മനഃപൂർവ്വം പ്രശ്നങ്ങളുണ്ടാക്കാൻ ശ്രമിക്കുകയാണെന്ന് മേയർ ആരോപിച്ചു.(Thiruvananthapuram Mayor VV Rajesh Accuses CPM Of Dumping Waste Intentionally Amayizhanjan Thodu)
സ്വന്തം പ്രവർത്തകരെ നിയോഗിച്ച് നഗരത്തിലെ പൊതുസ്ഥലങ്ങളിൽ വ്യാപകമായി മാലിന്യം തള്ളാനാണ് സിപിഎം ശ്രമിക്കുന്നത്. കഴിഞ്ഞ ദിവസം ആമയിഴഞ്ചാൻ തോട്ടിൽ മാലിന്യം തള്ളാൻ ശ്രമിച്ച സിപിഎം പ്രവർത്തകനെ നഗരസഭാ ജീവനക്കാർ തടഞ്ഞിരുന്നു. എന്നാൽ ഇയാൾ ജീവനക്കാരെ ക്രൂരമായി ആക്രമിക്കുകയാണ് ചെയ്തത്. ഇയാളെ പോലീസ് അറസ്റ്റ് ചെയ്തിട്ടുണ്ട്. ജനങ്ങളെ ദ്രോഹിക്കരുതെന്നും വി.വി. രാജേഷ് ആവശ്യപ്പെട്ടു.
Story Summary
Thiruvananthapuram Mayor V.V. Rajesh accused the CPM of intentionally dumping waste in public places, including Amayizhanjan Thodu, due to frustration over losing the corporation election. Addressing a press meet six months into the BJP rule, Rajesh stated that a CPM worker was arrested for dumping waste and attacking corporation staff.
