കൊച്ചി: കഴിഞ്ഞ ദിവസങ്ങളിലെ വർദ്ധനവിന് ശേഷം സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഒരു പവൻ സ്വർണത്തിന് 1,13,880 രൂപയാണ് ഇന്നത്തെ വില. ഗ്രാമിന് 14,235 രൂപ നൽകണം. പണിക്കൂലിയും ജി.എസ്.ടി.യും (GST) കൂടി ചേരുമ്പോൾ ഉപഭോക്താവ് നൽകേണ്ട തുക ഇതിലും ഉയരും.(Kerala Gold price remains the same today, what will be of the market tomorrow )
പശ്ചിമേഷ്യയിലെ നിലവിലെ സംഘർഷാവസ്ഥ സ്വർണവിലയെ നേരിട്ട് സ്വാധീനിക്കുന്നുണ്ട്. ഇറാൻ ചരക്കുകപ്പൽ അമേരിക്ക പിടിച്ചെടുത്തത് ഉൾപ്പെടെയുള്ള സംഭവങ്ങൾ ആഗോള വിപണിയിൽ ആശങ്കയുണ്ടാക്കിയിട്ടുണ്ട്. അന്താരാഷ്ട്ര വിപണിയിൽ എണ്ണവിലയിലുണ്ടാകുന്ന മാറ്റങ്ങൾ സാധാരണയായി സ്വർണവിലയിൽ പ്രതിഫലിക്കാറുണ്ട്.
നിലവിലെ സാഹചര്യത്തിൽ എണ്ണവില ഉയരുന്നത് സ്വർണവിലയിൽ കുറവുണ്ടാക്കാൻ സാധ്യതയുണ്ടെങ്കിലും, ആഗോള സാമ്പത്തിക അനിശ്ചിതത്വം സ്വർണത്തെ സുരക്ഷിത നിക്ഷേപമായി കാണുന്നവരുടെ എണ്ണം വർദ്ധിപ്പിക്കുന്നത് വില താഴാതിരിക്കാൻ കാരണമാകുന്നു. വരും ദിവസങ്ങളിൽ പശ്ചിമേഷ്യയിലുണ്ടാകുന്ന രാഷ്ട്രീയ നീക്കങ്ങൾ സ്വർണവിലയിൽ വലിയ ചാഞ്ചാട്ടങ്ങൾക്ക് വഴിതെളിച്ചേക്കാമെന്ന് വിപണി വിദഗ്ധർ വിലയിരുത്തുന്നു.
