തിരുവനന്തപുരം: സംസ്ഥാനത്തിന്റെ സാമ്പത്തിക വളർച്ചയ്ക്ക് പുത്തൻ ഉണർവേകാൻ ലക്ഷ്യമിട്ടുള്ള ബജറ്റ് പ്രഖ്യാപനങ്ങളുമായി മുഖ്യമന്ത്രി വി.ഡി. സതീശൻ. ‘പുതുയുഗ കേരളം’ എന്ന ആശയത്തിന് അടിവരയിട്ടുകൊണ്ട്, തീരദേശ വികസനത്തിനും അടിസ്ഥാന സൗകര്യങ്ങൾക്കും വൻ പ്രാധാന്യം നൽകുന്ന പദ്ധതികളാണ് ബജറ്റിലൂടെ സർക്കാർ മുന്നോട്ട് വെക്കുന്നത്.(Kerala Budget 2026 Launches Mission Samudra And South Kerala Economic Corridor)
മിഷൻ സമുദ്രയ്ക്ക് 400 കോടി രൂപ വകയിരുത്തി. കേരളത്തിന്റെ കടൽത്തീര സാധ്യതകൾ പൂർണ്ണമായി പ്രയോജനപ്പെടുത്തി വരും അഞ്ച് വർഷത്തിനുള്ളിൽ സംസ്ഥാനത്തെ ലോകോത്തര മാരിടൈം ശക്തിയാക്കി മാറ്റാനാണ് ഈ പദ്ധതി. കേരളത്തെ പ്രമുഖ തുറമുഖ നഗരമാക്കും. തീരദേശവാസികൾക്ക് വലിയ തോതിൽ തൊഴിലവസരങ്ങൾ സൃഷ്ടിക്കും. വിഴിഞ്ഞം അന്താരാഷ്ട്ര തുറമുഖത്തിന്റെ റെയിൽ കണക്ടിവിറ്റി സമയബന്ധിതമായി പൂർത്തിയാക്കും. പുതിയ കപ്പൽ നിർമ്മാണ കേന്ദ്രവും അന്താരാഷ്ട്ര മാരിടൈം മ്യൂസിയവും സ്ഥാപിക്കും.
തെക്കൻ കേരള എക്കണോമി കോറിഡോർ പദ്ധതിക്ക് 50 കോടി രൂപ വകയിരുത്തി. തിരുവനന്തപുരം, കൊല്ലം, ആലപ്പുഴ എന്നീ മൂന്ന് ജില്ലകളെ ബന്ധിപ്പിച്ച് സാമ്പത്തിക വളർച്ച ത്വരിതപ്പെടുത്തുന്നതിനാണ് ഈ കോറിഡോർ വിഭാവനം ചെയ്തിരിക്കുന്നത്. പദ്ധതിയുടെ പ്രാഥമിക പ്രവർത്തനങ്ങൾക്കായാണ് 50 കോടി രൂപ വകയിരുത്തിയിരിക്കുന്നത്. പദ്ധതിയുടെ സാധ്യതാ പഠനത്തിനായി വിദഗ്ദ്ധ ഏജൻസിയെ ചുമതലപ്പെടുത്തുമെന്നും മുഖ്യമന്ത്രി വ്യക്തമാക്കി. സാമ്പത്തിക പ്രതിസന്ധികൾക്കിടയിലും, അടിസ്ഥാന സൗകര്യങ്ങളിലൂന്നിയുള്ള വികസനം വഴി സംസ്ഥാനത്ത് പുതിയ തൊഴിലവസരങ്ങളും നിക്ഷേപങ്ങളും കൊണ്ടുവരാനാണ് സർക്കാർ ലക്ഷ്യമിടുന്നത്. ബജറ്റ് പ്രസംഗം സഭയിൽ പുരോഗമിക്കുകയാണ്.
Story Summary
The UDF government’s budget introduces ‘Mission Samudra’ with a ₹400 crore allocation to transform Kerala into a global maritime powerhouse, focusing on port city development, shipbuilding, and maritime tourism. Additionally, a ₹50 crore allocation for the ‘Southern Kerala Economy Corridor’ aims to boost growth across Thiruvananthapuram, Kollam, and Alappuzha, signaling a strategic shift toward infrastructure-led economic expansion.
