ഇടുക്കി: ജില്ലയിൽ തുടരുന്ന കനത്ത മഴയെ തുടർന്ന് പാംബ്ലാ ഡാമിന്റെ ഷട്ടറുകൾ ഇന്ന് രാത്രി 10 മണി മുതൽ ഉയർത്താൻ ജില്ലാ കലക്ടർ ഉത്തരവിട്ടു (Pambla Dam Idukki rain). ഡാമിലെ ജലനിരപ്പ് റെഡ് അലർട്ട് പരിധി പിന്നിട്ട സാഹചര്യത്തിലാണ് നടപടി.
നിലവിൽ ഡാമിലെ ജലനിരപ്പ് 252.10 മീറ്ററാണ്. ഇത് റെഡ് അലർട്ട് നിലവാരമായ 252 മീറ്ററിന് മുകളിലെത്തിയതിനെ തുടർന്ന് എമർജൻസി പ്ലാനിങ് മാനേജർ റെഡ് അലർട്ട് പ്രഖ്യാപിച്ചു.
ഷട്ടറുകൾ ആവശ്യാനുസരണം ഉയർത്തി പരമാവധി 500 ക്യുമെക്സ് വരെ വെള്ളം പുറത്തേക്ക് ഒഴുക്കിവിടാൻ അനുമതി നൽകിയിട്ടുണ്ട്. അതേസമയം, ജില്ലയിൽ ശക്തമായ മഴയ്ക്ക് സാധ്യത തുടരുന്നതിനാൽ ഓറഞ്ച് അലർട്ടും നിലനിൽക്കുകയാണ്.
ഡാമിൽ നിന്ന് വെള്ളം ഒഴുക്കിവിടുന്ന സാഹചര്യത്തിൽ പെരിയാർ നദിയുടെ ഇരുകരകളിലും താമസിക്കുന്നവർ അതീവ ജാഗ്രത പാലിക്കണമെന്ന് ജില്ലാ ദുരന്തനിവാരണ അതോറിറ്റി മുന്നറിയിപ്പ് നൽകി. നദീതീരങ്ങളിലും താഴ്ന്ന പ്രദേശങ്ങളിലും ജലനിരപ്പ് ഉയരാൻ സാധ്യതയുള്ളതിനാൽ അനാവശ്യമായി നദിയിലിറങ്ങുന്നത് ഒഴിവാക്കാനും അധികൃതരുടെ നിർദേശങ്ങൾ കർശനമായി പാലിക്കാനും പൊതുജനങ്ങളോട് അഭ്യർഥിച്ചു.
Story Summary:
The Idukki District Administration has ordered the opening of the Pambla Dam shutters from 10 p.m. after the water level crossed the red alert mark. Residents living along the Periyar River have been advised to remain vigilant as water will be released from the dam.
