തിരുവനന്തപുരം: ആരോഗ്യ മേഖലയുടെ സമഗ്ര വികസനം ലക്ഷ്യമിട്ട് വലിയ തുകയാണ് ബജറ്റിൽ വകയിരുത്തിയിരിക്കുന്നത്. ചികിത്സാച്ചെലവ് കുറയ്ക്കുന്നതിനും അത്യാധുനിക സൗകര്യങ്ങൾ ഒരുക്കുന്നതിനും സർക്കാർ വലിയ പ്രാധാന്യമാണ് നൽകുന്നത്.(Kerala Budget 2026 Health Sector Highlights and New Medical Colleges)
കുടുംബങ്ങൾക്ക് 25 ലക്ഷം രൂപ വരെ സൗജന്യ ചികിത്സ ഉറപ്പാക്കുന്നതാണ് ഉമ്മൻചാണ്ടി ആരോഗ്യ ഇൻഷുറൻസ് പദ്ധതി. ഇതിനായി പ്രാഥമിക ചെലവിലേക്ക് 10 കോടി രൂപ വകയിരുത്തി. ഹരിപ്പാട് പുതിയ മെഡിക്കൽ കോളേജ് സ്ഥാപിക്കും. ഇതിനായി 100 കോടി രൂപ അനുവദിച്ചു. തിരുവനന്തപുരത്ത് രണ്ടാം മെഡിക്കൽ കോളേജ് നിർമിക്കാനുള്ള നടപടികളും ആരംഭിക്കും.
റീച്ച് കേരള കേരളത്തെ ഒരു ആഗോള ആരോഗ്യ ടൂറിസം കേന്ദ്രമാക്കാൻ ലക്ഷ്യമിട്ടുള്ള പദ്ധതിയാണ്. സ്പെഷ്യാലിറ്റി ആശുപത്രികൾ, ഗവേഷണ കേന്ദ്രങ്ങൾ, പുനരധിവാസ കേന്ദ്രങ്ങൾ എന്നിവ ഉൾപ്പെടുത്തി 100 കോടി രൂപ ചെലവിൽ പുതിയ സിറ്റി സ്ഥാപിക്കും. വയോജനങ്ങൾക്കായി പ്രത്യേക വകുപ്പ് രൂപീകരിക്കും (10 കോടി രൂപ). കൂടാതെ, ആശുപത്രികളിൽ ‘കെയർ ഗിവർ’ സർട്ടിഫിക്കറ്റ് കോഴ്സുകൾ ആരംഭിക്കുകയും വയോജന പരിപാലനത്തിനായി പ്രത്യേക കെയർ ഗിവർ പദ്ധതി നടപ്പിലാക്കുകയും ചെയ്യും.
അർബുദ രോഗ പ്രതിരോധ പ്രവർത്തനങ്ങൾ ഊർജിതമാക്കും. കാസർകോട്ടെ എൻഡോസൾഫാൻ ബാധിതർക്കായി പ്രത്യേക പാക്കേജും പ്രഖ്യാപിച്ചു. കാസർകോട്, വയനാട്, മഞ്ചേരി, ഇടുക്കി മെഡിക്കൽ കോളേജുകളിലെ അടിസ്ഥാന സൗകര്യങ്ങൾ മെച്ചപ്പെടുത്തും.
Story Summary
The state budget prioritizes the health sector with a ₹2074 crore allocation, introducing the ‘Oommen Chandy Health Insurance Scheme’ to provide up to ₹25 lakh in coverage. Key developments include a new medical college in Haripad, a ‘Health and Life Science City,’ and dedicated initiatives for elderly care and cancer prevention under the ‘Reach Kerala’ vision.
