Follow on Google News
പാലക്കാട്: ഒലവക്കോട് റെയിൽവേ സ്റ്റേഷനിൽ വിശ്രമിക്കുന്നതിനിടെ മുലപ്പാൽ ശ്വാസനാളത്തിൽ കുടുങ്ങി ഒന്നര വയസ്സുകാരി മരിച്ചു (Infant death breastfeeding). അസമിൽ നിന്നുള്ള അതിഥി തൊഴിലാളികളായ അബ്ദുൽ സലാം – ഹാബിജ കധോൻ ദമ്പതികളുടെ മകളാണ് മരണപ്പെട്ടത്. ചൊവ്വാഴ്ച രാത്രി എട്ട് മണിയോടെ റെയിൽവേ സ്റ്റേഷനിലെ ഫീഡിങ് റൂമിലായിരുന്നു ദാരുണ സംഭവം.
ട്രെയിൻ യാത്രയ്ക്കിടെ വിശ്രമിക്കാനായി സ്റ്റേഷനിലെത്തിയതായിരുന്നു കുടുംബം. തുടർന്ന് ഫീഡിങ് റൂമിലിരുന്ന് അമ്മ മുലയൂട്ടുന്നതിനിടെ പാൽ അബദ്ധത്തിൽ ശ്വാസനാളത്തിൽ കുടുങ്ങുകയും കുഞ്ഞ് പെട്ടെന്ന് അബോധാവസ്ഥയിലാവുകയുമായിരുന്നു. ഉടൻ തന്നെ റെയിൽവേ ഉദ്യോഗസ്ഥരുടെയും സഹായത്തോടെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും കുഞ്ഞിന്റെ ജീവൻ രക്ഷിക്കാനായില്ല.
കുട്ടി പാൽ കുടിച്ച ഉടൻ തന്നെ ബോധരഹിതയായതായി മാതാപിതാക്കൾ അറിയിച്ചു. നിലവിൽ മൃതദേഹം ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംഭവത്തിൽ പോലീസ് തുടർ നടപടികൾ സ്വീകരിച്ചുവരുന്നു.
അമ്മമാർ ശ്രദ്ധിക്കാൻ
ചെറിയ കുട്ടികൾക്ക് പാൽ നൽകുമ്പോൾ അതീവ ജാഗ്രത പാലിക്കണമെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു. ശ്വാസനാളത്തിൽ പാൽ കുടുങ്ങാതിരിക്കാൻ കുഞ്ഞിന്റെ തല അല്പം ഉയർത്തി വെച്ച് വേണം പാൽ നൽകാൻ. കുഞ്ഞ് പാൽ കുടിക്കുമ്പോൾ ഉറങ്ങിപ്പോകുന്നത് ഒഴിവാക്കാനും, പാൽ നൽകിയ ശേഷം തോളിൽ കിടത്തി തട്ടി ഏമ്പക്കം വിടുവിക്കാനും (Burping) പ്രത്യേകം ശ്രദ്ധിക്കേണ്ടതാണ്.
Story Summary: A 1.5-year-old girl from a migrant worker family from Assam died at Olavakkode Railway Station, Palakkad, after milk got stuck in her windpipe during breastfeeding. Despite being rushed to the district hospital, her life could not be saved.
