റിപ്പോർട്ട്: അൻവർ ഷരിഫ്
പോത്തുകല്ല്: വയനാട് ചൂരൽമല ഉരുൾപൊട്ടൽ ദുരന്തകാലത്ത് രക്ഷാപ്രവർത്തകർക്ക് ഭക്ഷണവും മറ്റ് സഹായങ്ങളും നൽകി ഒപ്പം നിന്നവരെ എമർജൻസി റെസ്ക്യു ഫോഴ്സ് (ഇ.ആർ.എഫ്.) ആദരിച്ചു. രണ്ടുവർഷം മുൻപ് നടന്ന ചൂരൽമല ദുരന്തത്തിൽ ഇ.ആർ.എഫ്. നടത്തിയ രക്ഷാദൗത്യത്തിന് പിന്തുണ നൽകിയ പ്രദേശത്തെ ക്ലബുകളുടെയും സന്നദ്ധ പ്രവർത്തകരുടെയും സേവനം അനുസ്മരിച്ചാണ് ആദരം സംഘടിപ്പിച്ചത്. (ERF Chooralmala rescue operation)
ഫ്രണ്ട്സ് പോത്തുകല്ല്, ഫ്ലെയിം തമ്പുരാട്ടിക്കല്ല്, വിബ്ജിയോർ കുനിപ്പാല എന്നീ ക്ലബുകളെയും പൊതു പ്രവർത്തകനായ സമീർ ഉപ്പടയെയുമാണ് ഇ.ആർ.എഫ്. ആദരിച്ചത്. ദുരന്തമുഖത്ത് രക്ഷാപ്രവർത്തകർക്ക് ആവശ്യമായ ഭക്ഷണം, അടിസ്ഥാന സൗകര്യങ്ങൾ, മറ്റ് സഹായ സഹകരണങ്ങൾ എന്നിവ ഒരുക്കുന്നതിൽ ഇവർ നിർണായക പങ്കുവഹിച്ചതായി ഇ.ആർ.എഫ്. വ്യക്തമാക്കി. പരിപാടിയിൽ ഇ.ആർ.എഫ്. ജോയിന്റ് സെക്രട്ടറി ഷംസുദ്ദീൻ കൊളക്കാടൻ അധ്യക്ഷത വഹിച്ചു. പോത്തുകല്ല് ഇ.ആർ.എഫ്. അംഗങ്ങളായ അബ്ബാസ്, മനാഫ്, മുജീബ് എരുമമുണ്ട, റാഷിക്ക് കാട്ടുമുണ്ട, ബബീഷ് എന്നിവർ പങ്കെടുത്തു.
Summary: Emergency Rescue Force (ERF) honoured clubs and individuals who supported rescue workers during the Chooralmala landslide disaster in Wayanad. The organisation recognised their contributions in providing food and essential support during the rescue mission.
