കൊച്ചി: മാസപ്പടി കേസിൽ വീണാ വിജയനെ എൻഫോഴ്സ്മെന്റ് ഡയറക്ടറേറ്റ് വീണ്ടും വിളിപ്പിക്കും. ഇതുമായി ബന്ധപ്പെട്ട മൂന്നാം ഘട്ട ചോദ്യം ചെയ്യൽ അടുത്തയാഴ്ച നടക്കും. കേസിൽ കഴിഞ്ഞ ദിവസം നടന്ന പത്ത് മണിക്കൂർ നീണ്ട ചോദ്യം ചെയ്യലിന് പിന്നാലെയാണ് തുടർനടപടികൾക്കൊരുങ്ങുന്നത്.(ED To Summon Veena Again In CMRL Case)
എസ്.എഫ്.ഐ.ഒ ശേഖരിച്ച രേഖകൾ കോടതിയിൽ നിന്ന് ലഭ്യമായതിന് പിന്നാലെയാണ് വീണാ വിജയനെ കൊച്ചിയിലെ ഓഫീസിലേക്ക് വിളിപ്പിച്ചത്. ഈ മാസം 29-ന് ഹാജരാകാമെന്ന് നേരത്തെ അറിയിച്ചിരുന്നെങ്കിലും, ഇ.ഡിയുടെ നിർദ്ദേശപ്രകാരം നേരത്തെ തന്നെ ഹാജരാകുകയായിരുന്നു.
ഇന്നലെ നടന്ന ചോദ്യം ചെയ്യലിൽ, വിവിധ കാര്യങ്ങളിൽ ഇ.ഡി വീണയിൽ നിന്ന് വ്യക്തത തേടി. അന്വേഷണം നിർണ്ണായക ഘട്ടത്തിലേക്ക് കടക്കുമ്പോൾ, അടുത്തയാഴ്ചത്തെ ചോദ്യം ചെയ്യൽ ഏറെ ശ്രദ്ധേയമാകും.
Story Summary
The Enforcement Directorate (ED) is set to summon Veena for a third round of questioning next week in connection with the CMRL case. During a marathon ten-hour interrogation, investigators sought clarification on potential links.
