തിരുവനന്തപുരം: ആരോഗ്യവകുപ്പിലെ സ്ഥലംമാറ്റവുമായി ബന്ധപ്പെട്ട തർക്കങ്ങൾക്കും നിയമപോരാട്ടങ്ങൾക്കുമൊടുവിൽ ഡോ. റീന എറണാകുളം പബ്ലിക് ഹെൽത്ത് ലാബ് ഡയറക്ടറായി ചുമതലയേറ്റു. തന്റെ സ്ഥലംമാറ്റത്തിനെതിരെ അഡ്മിനിസ്ട്രേറ്റീവ് ട്രൈബ്യൂണൽ നൽകിയിരുന്ന സ്റ്റേ ഹൈക്കോടതി റദ്ദാക്കിയതോടെയാണ് സർക്കാർ നടപടിക്ക് വഴിയൊരുങ്ങിയത്.(Dr. Reena assumes charge as Ernakulam Public Health Lab Director after High Court order)
പോരാട്ടം തുടരുമെന്ന ശക്തമായ നിലപാടും അവർ രേഖപ്പെടുത്തിയിട്ടുണ്ട്. സ്ഥലംമാറ്റ നടപടിക്രമങ്ങളിൽ ട്രൈബ്യൂണലിനുണ്ടായ വീഴ്ചകൾ ചൂണ്ടിക്കാട്ടിയാണ് ഡിവിഷൻ ബെഞ്ച് സർക്കാരിന്റെ നടപടി ശരിവെച്ചത്.
എങ്കിലും, സ്ഥലംമാറ്റത്തിൽ പരാതിയുണ്ടെങ്കിൽ ഡോ. റീനയ്ക്ക് വീണ്ടും ട്രൈബ്യൂണലിനെ സമീപിക്കാമെന്നും, അവിടെ വിശദമായ വാദം കേട്ടശേഷം തീരുമാനമെടുക്കാമെന്നും കോടതി വ്യക്തമാക്കിയിട്ടുണ്ട്. മന്ത്രിയുമായുള്ള അഭിപ്രായവ്യത്യാസങ്ങളാണ് ഈ സ്ഥലംമാറ്റ വിവാദങ്ങളുടെ മൂലകാരണമെന്ന് ആരോപണമുയർന്നിരുന്നു.
Story Summary
Dr. Reena K.J. has assumed charge as the Director of the Ernakulam Public Health Lab following the Kerala High Court’s decision to set aside the Administrative Tribunal’s stay on her transfer from the DHS post. While she has officially taken the new role, she has formally noted her intent to continue her legal challenge against the transfer before the Administrative Tribunal.
