കൊല്ലം: നിയമസഭാ തിരഞ്ഞെടുപ്പിലെ കനത്ത തിരിച്ചടിയുടെ പശ്ചാത്തലത്തിൽ സി.പി.ഐ കൊല്ലം ജില്ലാ നേതൃയോഗത്തിൽ രൂക്ഷവിമർശനം. പാർട്ടിയുടെ നിലവിലെ അവസ്ഥയിൽ സി.പി.എം-സി.പി.ഐ ലയന സാധ്യതകളെക്കുറിച്ചുള്ള വികാരപരമായ പരാമർശങ്ങൾ വരെ യോഗത്തിലുണ്ടായി. പാർട്ടിയുടെ നിലനിൽപ്പ് പോലും അപകടത്തിലാണെന്നും നേതൃത്വം അടിയന്തരമായി തിരുത്തണമെന്നും ആവശ്യമുയർന്നു.(CPI Faces Internal Backlash Over Election Defeat And CPM Dominance)
‘തിരുത്തൽ തുടങ്ങേണ്ടത് മുകൾത്തട്ടിൽ നിന്നാണ്’ എന്ന് വ്യക്തമാക്കിയ അംഗങ്ങൾ, സംസ്ഥാന സെക്രട്ടേറിയറ്റ് പിരിച്ചുവിടണമെന്നുവരെ ആവശ്യപ്പെട്ടു. സി.പി.എമ്മിന് പാർട്ടി കീഴ്പ്പെട്ടുവെന്നും, ഇങ്ങനെയെങ്കിൽ സി.പി.എമ്മിൽ ലയിക്കുന്നതാണ് നല്ലതെന്നും കടുത്ത വിമർശനമുയർന്നു.
ചാത്തന്നൂർ, ചടയമംഗലം മണ്ഡലങ്ങളിൽ സംസ്ഥാന സെക്രട്ടേറിയറ്റ് അംഗങ്ങളെ മത്സരിപ്പിച്ചത് പരാജയത്തിലേക്ക് നയിച്ചതായി വിലയിരുത്തലുണ്ട്. തിരഞ്ഞെടുപ്പ് പരാജയത്തിന് പിന്നാലെ, പ്രതിപക്ഷത്തെ പ്രധാനപ്പെട്ട രണ്ട് നേതൃപദവികളും സി.പി.എമ്മിന് മാത്രം നൽകുന്നതിൽ സി.പി.ഐക്ക് കടുത്ത അതൃപ്തിയുണ്ട്.
Story Summary
The CPI Kollam district leadership meeting witnessed sharp criticism over the party’s poor performance in the recent assembly elections, with senior members blaming the state leadership for surrendering to the CPM. Amidst growing internal tensions, the CPI is also pushing for a larger share in opposition leadership roles, expressing strong dissent against the CPM monopolizing both the Leader of Opposition and Deputy Leader positions.
