കണ്ണൂർ: കേരള രാഷ്ട്രീയത്തെ ഞെട്ടിച്ചുകൊണ്ട് മുഖ്യമന്ത്രി പിണറായി വിജയൻ സ്വന്തം മണ്ഡലമായ ധർമ്മടത്ത് പിന്നിലായി (Pinarayi Vijayan Dharmadam Result). ആദ്യ അഞ്ച് റൗണ്ടുകൾ പൂർത്തിയാകുമ്പോൾ യുഡിഎഫ് സ്ഥാനാർത്ഥി വി.പി. അബ്ദുൾ റഷീദ് 1090 വോട്ടുകൾക്ക് ലീഡ് ചെയ്യുകയാണ്. സി.പി.എമ്മിന്റെ ഉറച്ച കോട്ടകളിൽ പോലും യു.ഡി.എഫ് മേധാവിത്തം നേടുന്നത് രാഷ്ട്രീയ കേന്ദ്രങ്ങളെ അമ്പരപ്പിച്ചിട്ടുണ്ട്.
വോട്ടെണ്ണലിന്റെ ആദ്യ റൗണ്ട് മുതൽ തന്നെ അബ്ദുൾ റഷീദ് മുന്നേറ്റം നിലനിർത്തിയിരുന്നു. നാലാം റൗണ്ട് കഴിഞ്ഞപ്പോൾ ലീഡ് 2812 വരെ ഉയർന്നെങ്കിലും അഞ്ചാം റൗണ്ട് അവസാനിക്കുമ്പോൾ അത് 1090 ആയി ചുരുങ്ങിയിട്ടുണ്ട്. നിലവിൽ വി.പി. അബ്ദുൾ റഷീദ് 27,869 വോട്ടുകൾ നേടിയപ്പോൾ പിണറായി വിജയന് 26,779 വോട്ടുകൾ മാത്രമാണ് നേടാനായത്. ആകെയുള്ള 15 റൗണ്ടുകളിൽ പത്തെണ്ണം കൂടി എണ്ണാൻ ബാക്കിയുണ്ട്. വരും റൗണ്ടുകളിൽ ഇടത് കോട്ടകൾ തുറക്കുന്നതോടെ ലീഡ് നില മാറിമറിയുമെന്ന പ്രതീക്ഷയിലാണ് എൽഡിഎഫ് ക്യാമ്പ്.
വോട്ടെണ്ണൽ നില (5-ാം റൗണ്ട് പൂർത്തിയായപ്പോൾ):
വി.പി. അബ്ദുൾ റഷീദ് (UDF): 27,869
പിണറായി വിജയൻ (LDF): 26,779
ലീഡ്: 1090 (UDF)
Story Summary: In a major political upset, Kerala Chief Minister Pinarayi Vijayan is trailing behind UDF’s V.P. Abdul Rasheed in the Dharmadam constituency after five rounds of counting. The UDF has managed to gain ground even in traditional CPM strongholds, leading by 1,090 votes with ten more rounds to go.
