തിരുവനന്തപുരം: കേരളത്തിൽ അധികാരമേൽക്കാനൊരുങ്ങുന്ന യുഡിഎഫ് സർക്കാരിന് നിർണ്ണായക ഉപദേശങ്ങളുമായി മുതിർന്ന നേതാവ് എ.കെ. ആന്റണി. സംസ്ഥാനത്തിന്റെ സാമ്പത്തിക നില മെച്ചപ്പെടുത്തുന്നതിനായിരിക്കണം പുതിയ സർക്കാരിന്റെ ആദ്യ പരിഗണനയെന്ന് അദ്ദേഹം പറഞ്ഞു. തിരഞ്ഞെടുപ്പ് വേളയിൽ ജനങ്ങൾക്ക് നൽകിയ വാഗ്ദാനങ്ങൾ കൃത്യമായി നടപ്പാക്കണമെന്നും അദ്ദേഹം ഓർമ്മിപ്പിച്ചു.(AK Antony Advice To UDF Government And CM Selection 2026)
മുഖ്യമന്ത്രി പദവിക്കായി നിലവിൽ ഉയർന്നു കേൾക്കുന്ന മൂന്ന് നേതാക്കളെയും തനിക്ക് ഇഷ്ടമാണെന്ന് എ കെ ആന്റണി പറഞ്ഞു. മൂന്ന് പേരും യോഗ്യരാണ്. ഗാന്ധിയുടെയും നെഹ്റുവിന്റെയും കാലം മുതൽ മുഖ്യമന്ത്രിയെച്ചൊല്ലി തർക്കങ്ങളുണ്ട്. അത് സ്വാഭാവികമാണ്. എല്ലാവരെയും കേട്ട ശേഷം ഹൈക്കമാൻഡ് ഉചിതമായ തീരുമാനമെടുക്കും. ഇതിനെ ജനാധിപത്യത്തിന്റെ സുന്ദര നിമിഷങ്ങളായി കണ്ടാൽ മതി, അദ്ദേഹം വ്യക്തമാക്കി.
ഭരണം ലഭിച്ച യുഡിഎഫ് ജനവികാരം മാനിച്ച് പ്രവർത്തിക്കണമെന്ന് അദ്ദേഹം മുന്നറിയിപ്പ് നൽകി. യജമാനന്മാർ ജനങ്ങളാണ്. ജനങ്ങളെ മനസ്സിലാക്കി പ്രവർത്തിക്കാൻ നേതാക്കൾ തയ്യാറാകണം. മാർക്സിസ്റ്റ് പാർട്ടിക്ക് പറ്റിയ തെറ്റുകൾ യുഡിഎഫിന് സംഭവിക്കരുത് എന്നും അദ്ദേഹം കൂട്ടിച്ചേർത്തു.
Story Summary
Senior leader AK Antony emphasized that the new UDF government’s priority should be reviving Kerala’s economy and fulfilling election guarantees. He stated that all three candidates for the CM post are capable and advised the front to remain humble, cautioning them not to repeat the mistakes made by the CPI(M).
