പാലക്കാട്: വടകരപ്പതിയിൽ സ്വർണ്ണ മൂക്കുത്തി കവരാനായി വയോധികയെ തലയ്ക്കടിച്ച് കൊലപ്പെടുത്തി, മൃതദേഹം കത്തിച്ച് കുഴിച്ചുമൂടിയ ദാരുണ സംഭവത്തിൽ ഒരാൾ കൂടി പിടിയിലായി. ആട്ടയാമ്പതി സ്വദേശിയായ പതിനേഴുകാരനെയാണ് കൊഴിഞ്ഞാമ്പാറ പോലീസ് കസ്റ്റഡിയിലെടുത്തത്. കേസിൽ നേരത്തെ അറസ്റ്റിലായി റിമാൻഡിൽ കഴിയുന്ന മുഖ്യപ്രതി ഉദയകുമാറിന്റെ സുഹൃത്താണ് ഈ പ്രായപൂർത്തിയാകാത്ത ആൺകുട്ടി.(Palakkad Vadakarapathy murder, Minor Apprehended In Elderly Woman Murder And Burial Case)
ആട്ടയാമ്പതിയിലെ വീട്ടിൽ കഴിഞ്ഞ 20 വർഷമായി ഒറ്റയ്ക്ക് താമസിക്കുകയായിരുന്ന സരസമ്മാളിനെ (72) കഴിഞ്ഞ ജൂൺ 10 മുതലാണ് കാണാതായത്. അമ്മയെ കാണാനില്ലെന്ന് കാട്ടി മകൾ നൽകിയ പരാതിയിൽ കൊഴിഞ്ഞാമ്പാറ പോലീസ് നടത്തിയ വിശദമായ അന്വേഷണത്തിനൊടുവിലാണ് ഒരു മാസത്തിനുശേഷം ഞെട്ടിക്കുന്ന കൊലപാതകവിവരം പുറത്തുവരുന്നത്. അയൽവാസിയായ ഉദയകുമാറും ഈ പതിനേഴുകാരനും ചേർന്നാണ് ക്രൂരകൃത്യം ആസൂത്രണം ചെയ്ത് നടപ്പാക്കിയത്.
സരസമ്മാൾ ധരിച്ചിരുന്ന രണ്ട് സ്വർണ്ണ മൂക്കുത്തികൾ കൈക്കലാക്കുകയായിരുന്നു പ്രതികളുടെ ലക്ഷ്യം. ഇതിനായി ഇവരെ പ്രതിയുടെ വീട്ടിലേക്ക് വിളിച്ചുവരുത്തി തലയ്ക്കടിച്ച് കൊലപ്പെടുത്തുകയായിരുന്നു. തുടർന്ന് തെളിവ് നശിപ്പിക്കുന്നതിനായി മൃതദേഹം വീടിന്റെ ശുചിമുറിയിൽ വച്ച് കത്തിക്കുകയും, അവശിഷ്ടങ്ങൾ വീടിന്റെ പിൻഭാഗത്ത് കുഴിച്ചിടുകയും ചെയ്തു.
Story Summary
A 17-year-old minor has been apprehended in Palakkad for assisting the main accused, Udayakumar, in the brutal murder of an elderly woman named Sarasammal for her gold nose studs. The duo hacked the woman to death, burned her body in a toilet to destroy evidence, and buried the remains behind the house.
