ദുബായ്: ഷെയ്ഖ് സായിദ് റോഡിലെ കാർ ഷോറൂമിൽ ഉണ്ടായ ഗ്യാസ് സിലിണ്ടർ സ്ഫോടനത്തിൽ ഒരാൾ കൊല്ലപ്പെടുകയും അഞ്ച് പേർക്ക് പരിക്കേൽക്കുകയും ചെയ്തു. തിങ്കളാഴ്ച വൈകുന്നേരത്തോടെയായിരുന്നു സംഭവം.(Dubai Cylinder Explosion, Sheikh Zayed Road Car Showroom Gas Cylinder Explosion)
അപകടവിവരം അറിഞ്ഞ ഉടൻ തന്നെ ദുബായ് സിവിൽ ഡിഫൻസ് ടീമുകൾ സ്ഥലത്തെത്തി രക്ഷാപ്രവർത്തനം ആരംഭിച്ചു. പരിക്കേറ്റവർക്ക് അടിയന്തര വൈദ്യസഹായവും ചികിത്സയും ഉറപ്പാക്കിയതായി ദുബായ് മീഡിയ ഓഫീസ് ഔദ്യോഗിക സോഷ്യൽ മീഡിയ അക്കൗണ്ടുകളിലൂടെ അറിയിച്ചു.
വൈകുന്നേരം ഏഴരയോടെ രക്ഷാപ്രവർത്തനങ്ങൾ പൂർണ്ണമായും അവസാനിച്ചതായി അധികൃതർ വ്യക്തമാക്കി. അപകടസ്ഥലം സുരക്ഷിതമാക്കിയതായും സ്ഥിതിഗതികൾ പൂർണ്ണമായി നിയന്ത്രണവിധേയമാക്കിയതായും ദുബായ് മീഡിയ ഓഫീസ് കൂട്ടിച്ചേർത്തു.
Story Summary
One person died and five others were injured following a gas cylinder explosion at a car showroom on Sheikh Zayed Road in Dubai. Dubai Civil Defence responded swiftly to secure the area and provide medical aid to the victims.
