തിരുവനന്തപുരം: വിജിലൻസിന്റെ പരിപാടിക്കിടെ നടൻ നിവിൻ പോളിയെ കുറിച്ച് സംസാരിക്കവെ വേദിയിൽ നാക്കുപിഴച്ച് ആഭ്യന്തര മന്ത്രി രമേശ് ചെന്നിത്തല. നിവിൻ പോളി എന്ന പേരിന് പകരം ‘ആക്ഷൻ ഹീറോ നവീൻ പോളി’ എന്നാണ് അദ്ദേഹം വിശേഷിപ്പിച്ചത്. പ്രസംഗത്തിനിടെ പേര് മാറ്റി പറഞ്ഞതോടെ വേദിയിലും സദസ്സിലും ചിരി പടർന്നു.(Ramesh Chennithala Slip Of Tongue Nivin Pauly Vigilance Whistle Event)
തനിക്ക് പറ്റിയ അമളി തിരിച്ചറിഞ്ഞതോടെ, താൻ പറഞ്ഞത് തെറ്റിപ്പോയെന്നും യഥാർത്ഥ ആക്ഷൻ ഹീറോ ആരാണെന്ന് സദസ്സിലുള്ളവർക്ക് തന്നെ പറയാമെന്നും ചിരിയോടെ രമേശ് ചെന്നിത്തല തിരുത്തുകയായിരുന്നു. ആക്ഷൻ ഹീറോ ബിജു അടക്കമുള്ള സിനിമകളിൽ നിവിൻ പോളി അവതരിപ്പിച്ച കഥാപാത്രങ്ങൾ അനീതിക്കും അഴിമതിക്കുമെതിരെ പോരാടുന്നവയാണെന്ന് രമേശ് ചെന്നിത്തല കൂട്ടിച്ചേർത്തു.
തിരുവനന്തപുരത്ത് വിജിലൻസ് സംഘടിപ്പിച്ച അഴിമതി വിരുദ്ധ ‘വിജിലൻസ് വിസിൽ’ പദ്ധതിയുടെ ഉദ്ഘാടന വേദിയിലാണ് സംഭവം നടന്നത്. പദ്ധതിയുടെ ആദ്യ വിസിൽ കമാൻഡോയായി നടൻ നിവിൻ പോളിയാണ് അണിചേർന്നത്.
Story Summary
Minister Ramesh Chennithala suffered a tongue slip while addressing a Vigilance event in Thiruvananthapuram, referring to actor Nivin Pauly as “Action Hero Naveen Pauly.” The slip-up triggered laughter across the venue, after which Chennithala playfully acknowledged his mistake. Nivin Pauly was joined as the first ‘Whistle Commando’ for the Vigilance anti-corruption initiative.
