വാഷിങ്ടൺ: അമേരിക്കയിലെ സിയാറ്റിൽ നഗരത്തിൽ നടന്ന ജനപ്രിയ ഭക്ഷ്യമേളയ്ക്കിടെ ഉണ്ടായ കൂട്ട വെടിവെപ്പിൽ രണ്ട് പേർ കൊല്ലപ്പെടുകയും അഞ്ച് പേർക്ക് പരിക്കേൽക്കുകയും ചെയ്തു (Seattle Mass Shooting). നഗരത്തിലെ പ്രശസ്ത വിനോദസഞ്ചാര കേന്ദ്രമായ സ്പേസ് നീഡിലിന് സമീപമുള്ള സിയാറ്റിൽ സെന്ററിൽ സംഘടിപ്പിച്ചിരുന്ന ‘ബൈറ്റ് ഓഫ് സിയാറ്റിൽ’ ഭക്ഷ്യമേളയ്ക്കിടെയായിരുന്നു സംഭവം. പ്രാദേശിക സമയം വൈകിട്ട് ആറോടെയാണ് വെടിവെപ്പ് നടന്നത്. സംഭവത്തിൽ പരിക്കേറ്റവരെ ഹാർബർവ്യൂ മെഡിക്കൽ സെന്ററിലേക്ക് മാറ്റിയതായി അമേരിക്കൻ മാധ്യമങ്ങൾ റിപ്പോർട്ട് ചെയ്തു. വെടിവെപ്പുമായി ബന്ധപ്പെട്ട് അന്വേഷണം ആരംഭിച്ചതായി സിയാറ്റിൽ പൊലീസ് അറിയിച്ചു. സംഭവത്തിൽ പ്രതിയെ ഇതുവരെ കസ്റ്റഡിയിലെടുത്തിട്ടുണ്ടോ എന്ന കാര്യത്തിൽ വ്യക്തത വന്നിട്ടില്ല.
🚨BREAKING: New video shows the moment when people fleeing the Seattle Center in Washington state.
Reports of multiple gunshot victims in the area.
Livestream: Hawaiian Honey Cones. pic.twitter.com/8evoOeIQYK
— Lucas Sanders 👊🏽🔥🇺🇸 (@LucasSa56947288) July 27, 2026
പൊലീസ് സമൂഹമാധ്യമമായ എക്സിലൂടെ പുറത്തിറക്കിയ അറിയിപ്പിൽ, “സിയാറ്റിൽ സെന്ററിൽ വെടിവെപ്പ് നടന്നിട്ടുണ്ട്. നിരവധി പേർക്ക് വെടിയേറ്റിട്ടുണ്ട്. അന്വേഷണം പുരോഗമിക്കുകയാണ്. പൊതുജനങ്ങൾ സംഭവസ്ഥലത്തേക്ക് എത്തുന്നത് ഒഴിവാക്കണം,” എന്ന് അറിയിച്ചു. സംഭവസമയത്ത് നൂറുകണക്കിന് ഭക്ഷണ സ്റ്റാളുകളും തത്സമയ സംഗീതപരിപാടികളും നടന്നുകൊണ്ടിരിക്കുകയായിരുന്നു. ദൃക്സാക്ഷികളുടെ മൊഴിപ്രകാരം തുടർച്ചയായി ഏഴ് മുതൽ എട്ട് വരെ വെടിയൊച്ചകൾ കേട്ടതോടെ ജനങ്ങൾ പരിഭ്രാന്തരായി എല്ലായിടത്തേക്കും ഓടുകയായിരുന്നു. 25-കാരനായ എസ്റ്റാൻ വകോണാബോ എന്ന ദൃക്സാക്ഷി പ്രാദേശിക മാധ്യമത്തോട് പറഞ്ഞത്, ആളുകൾക്ക് ആദ്യം തന്നെ തിരക്കിൽ സഞ്ചരിക്കാൻ ബുദ്ധിമുട്ടായിരുന്നുവെന്നും വെടിവെപ്പിന് പിന്നാലെ രക്ഷപ്പെടാൻ ശ്രമിക്കുന്നതിനിടെ പലരും വീഴുകയും ചവിട്ടേറ്റ് പരിക്കേൽക്കുകയും ചെയ്തുവെന്നുമാണ്. “അത് പൂർണമായും അരാജകാവസ്ഥയായിരുന്നു,” എന്നും അദ്ദേഹം പറഞ്ഞു. സംഭവത്തിന് ശേഷം സ്ഥലത്ത് തിരിച്ചെത്തിയപ്പോൾ വെടിയേറ്റ് കിടക്കുന്ന നിരവധി പേരെയും മഞ്ഞ ഷീറ്റ് കൊണ്ട് മൂടിയ ഒരു മൃതദേഹവും കണ്ടതായി അദ്ദേഹം പറഞ്ഞു.
#Seattle, Jul 28, 2026 6:00 PM. Shooting at Seattle Center. SPD reports at this time 6 gun shot victims. One might be a child. Has turned into an MCI response: mass casualty incident. SPD initial report of suspect is Arabic male.
— Seattle Info (@seattleinfo) July 27, 2026
1982 മുതൽ സിയാറ്റിലിൽ സംഘടിപ്പിച്ചു വരുന്ന ‘ബൈറ്റ് ഓഫ് സിയാറ്റിൽ’ അമേരിക്കയിലെ പ്രമുഖ ഭക്ഷ്യമേളകളിലൊന്നാണ്. ഓരോ വർഷവും ഏകദേശം 3.5 ലക്ഷം ആളുകളാണ് മേളയിൽ പങ്കെടുക്കുന്നത്. ഇത്തവണയും വൻ ജനത്തിരക്കിനിടെയായിരുന്നു വെടിവെപ്പ് ഉണ്ടായത്. സംഭവത്തിന്റെ പശ്ചാത്തലവും പ്രതിയെക്കുറിച്ചുള്ള വിവരങ്ങളും അന്വേഷിച്ചുവരികയാണെന്ന് പൊലീസ് അറിയിച്ചു. വെടിവെപ്പിന്റെ കാരണം ഇതുവരെ വ്യക്തമല്ല.
Summary: At least two people were killed and five others injured in a mass shooting during the Bite of Seattle food festival near the Space Needle. Police have launched an investigation and urged the public to avoid the area as the suspect remains unidentified.
