ന്യൂഡൽഹി: ഓടിക്കൊണ്ടിരുന്ന ട്രെയിനിന്റെ എസി കോച്ചിൽ യാത്രക്കാരൻ ദീപം തെളിച്ച് പൂജ നടത്തിയതിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നു (Indian Railways train viral video). മുകളിലെ ബർത്തിൽ ഇരുന്ന് എണ്ണവിളക്കും അഗർബത്തിയും തെളിച്ച് പൂജ നടത്തുന്നതാണ് വൈറലായ ദൃശ്യങ്ങളിൽ കാണുന്നത്.
അഗർബത്തിയിൽ നിന്നുള്ള പുക കോച്ചിനുള്ളിൽ പടർന്നതോടെ സമീപത്തുണ്ടായിരുന്ന മറ്റൊരു യാത്രക്കാരൻ ഇടപെട്ട് ഇത് അപകടസാധ്യത സൃഷ്ടിക്കുമെന്ന് മുന്നറിയിപ്പ് നൽകുകയായിരുന്നു. ട്രെയിനിനുള്ളിൽ തുറന്ന തീയും പുകയും ഉപയോഗിക്കുന്നത് സുരക്ഷാ മാനദണ്ഡങ്ങൾ ലംഘിക്കുന്നതാണെന്ന് അദ്ദേഹം ചൂണ്ടിക്കാട്ടി.
🚆A video circulating on social media shows a passenger performing prayers on the upper berth of an AC train coach while lighting incense sticks and an oil lamp.
A fellow passenger reportedly intervened, explaining that such acts can be dangerous. Smoke may trigger the train’s… pic.twitter.com/79SrmBnAdW
— Jharkhand Rail Users (@JharkhandRail) July 26, 2026
വീഡിയോ വൈറലായതോടെ സാമൂഹ്യമാധ്യമങ്ങളിൽ നിരവധി പേർ സംഭവത്തെ വിമർശിച്ചു. അഗർബത്തിയിൽ നിന്നുള്ള പുക ട്രെയിനിലെ സ്മോക്ക് ഡിറ്റക്ടർ പ്രവർത്തിപ്പിക്കാനും അടിയന്തര സുരക്ഷാ സംവിധാനങ്ങളെ സജീവമാക്കാനും സാധ്യതയുണ്ടെന്ന ആശങ്കയും പലരും പങ്കുവെച്ചു.
സംഭവത്തിൽ പ്രതികരിച്ച റെയിൽവേയുടെ ഔദ്യോഗിക പരാതി പരിഹാര സംവിധാനമായ Railway Seva, അന്വേഷണം ആരംഭിക്കുന്നതിനായി ട്രെയിൻ നമ്പർ, യാത്രാ തീയതി, പി.എൻ.ആർ. നമ്പർ തുടങ്ങിയ വിവരങ്ങൾ ആവശ്യപ്പെട്ടു. ഇത്തരം സംഭവങ്ങൾ സംബന്ധിച്ച പരാതികൾ Rail Madad പോർട്ടൽ വഴിയും യാത്രക്കാർക്ക് രജിസ്റ്റർ ചെയ്യാമെന്ന് റെയിൽവേ അധികൃതർ അറിയിച്ചു.
Story Summary:
A video showing a passenger performing a ritual with a lit oil lamp and incense inside an AC coach of a moving train has gone viral. Railway authorities have sought journey details to investigate the incident.
