കോഴിക്കോട്: കോഴിക്കോട് റെയിൽവേ സ്റ്റേഷനിലെ പഴയ ക്ലോക്ക് ടവർ കെട്ടിടം തകർന്നുവീണതിനെ തുടർന്ന് മലബാർ മേഖലയിലെ ട്രെയിൻ ഗതാഗതത്തിൽ റെയിൽവേ അടിയന്തര മാറ്റങ്ങൾ വരുത്തി. സുരക്ഷ മുൻനിർത്തി കോഴിക്കോട് സ്റ്റേഷനിലെ ഒന്ന്, രണ്ട്, മൂന്ന് നമ്പർ ട്രാക്കുകളിലൂടെയുള്ള ട്രെയിൻ സർവീസുകൾ താത്കാലികമായി നിർത്തിവെച്ചു.(Kozhikode Railway Station Building Collapse Triggers Major Train Rescheduling And Partial Cancellations)
ഉദ്യോഗസ്ഥർ പരിശോധന നടത്തി ഫിറ്റ്നസ് സർട്ടിഫിക്കറ്റ് നൽകിയ ശേഷം മാത്രമേ ഈ ട്രാക്കുകൾ വീണ്ടും തുറക്കൂ എന്ന് റെയിൽവേ അധികൃതർ അറിയിച്ചു. നിലവിൽ നാലാമത്തെ ട്രാക്കിലൂടെ മാത്രമാണ് സർവീസുകൾ നിയന്ത്രിതമായി കടത്തിവിടുന്നത്. ഗതാഗത നിയന്ത്രണത്തെ തുടർന്ന് കോഴിക്കോട് നിന്ന് പുറപ്പെടേണ്ടതും സർവീസ് അവസാനിപ്പിക്കേണ്ടതുമായ പ്രധാന ട്രെയിനുകളുടെ സമയത്തിലും സ്റ്റേഷനുകളിലും മാറ്റം വരുത്തിയിട്ടുണ്ട്.
തിരുവനന്തപുരം – കോഴിക്കോട് ജൻശതാബ്ദി (Train No: 12076): തിരുവനന്തപുരത്തുനിന്ന് പുറപ്പെട്ട ഈ ട്രെയിൻ കോഴിക്കോടിന് പകരം കല്ലായി റെയിൽവേ സ്റ്റേഷനിൽ സർവീസ് അവസാനിപ്പിച്ചു. കല്ലായിക്കും കോഴിക്കോടിനും ഇടയിലുള്ള സർവീസ് റദ്ദാക്കി.
ബംഗളൂരു – കോഴിക്കോട് എക്സ്പ്രസ് (Train No: 16511): ജൂലൈ 8-ന് ബംഗളൂരുവിൽ നിന്ന് പുറപ്പെട്ട ഈ ട്രെയിൻ വെസ്റ്റ് ഹിൽ സ്റ്റേഷനിൽ സർവീസ് അവസാനിപ്പിച്ചു. വെസ്റ്റ് ഹില്ലിനും കോഴിക്കോടിനും ഇടയിലുള്ള സർവീസ് റദ്ദാക്കി.
കോഴിക്കോട് – തിരുവനന്തപുരം ജൻശതാബ്ദി (Train No: 12075): ഇന്ന് ഉച്ചയ്ക്ക് കോഴിക്കോട് നിന്ന് പുറപ്പെടേണ്ടിയിരുന്ന ജൻശതാബ്ദി കല്ലായി റെയിൽവേ സ്റ്റേഷനിൽ നിന്നായിരിക്കും യാത്ര ആരംഭിക്കുക. ഉച്ചയ്ക്ക് 13.50-ന് (01.50 PM) ട്രെയിൻ കല്ലായിൽ നിന്ന് തിരിക്കും. കോഴിക്കോടിനും കല്ലായിക്കും ഇടയിലുള്ള സർവീസ് റദ്ദാക്കി.
കോഴിക്കോട് – കെ.എസ്.ആർ ബംഗളൂരു എക്സ്പ്രസ് (Train No: 16512): ഇന്ന് കോഴിക്കോട് നിന്ന് പുറപ്പെടേണ്ട ഈ ട്രെയിൻ വെസ്റ്റ് ഹിൽ സ്റ്റേഷനിൽ നിന്നായിരിക്കും യാത്ര ആരംഭിക്കുക. ഉച്ചയ്ക്ക് 15.40-ന് (03.40 PM) ട്രെയിൻ വെസ്റ്റ് ഹില്ലിൽ നിന്ന് പുറപ്പെടും. കോഴിക്കോടിനും വെസ്റ്റ് ഹില്ലിനും ഇടയിലുള്ള സർവീസ് ഭാഗികമായി റദ്ദാക്കിയിട്ടുണ്ട്.
Story Summary
Following the clock tower collapse at Kozhikode Railway Station, train services on tracks 1, 2, and 3 have been suspended pending a fitness certification. Major trains including the Thiruvananthapuram Jan Shatabdi and Bengaluru Express have been partially short-terminated or rescheduled to originate from nearby Kallayi and West Hill stations.
