കോട്ടയം: എറണാകുളം–കായംകുളം മെമു ട്രെയിനിൽ നിന്ന് പുക ഉയർന്നതിനെ തുടർന്ന് സർവീസ് തടസ്സപ്പെട്ടു. മാവേലിക്കര സ്റ്റേഷൻ പിന്നിട്ട് ട്രെയിൻ കായംകുളത്തേക്ക് അടുക്കുന്നതിനിടെയാണ് പുക ഉയർന്നത് ശ്രദ്ധയിൽപ്പെട്ടത്.(Smoke detected in MEMU train near Mavelikkara railway station)
ഇതോടെ നടക്കാവ് റെയിൽവേ ഗേറ്റിന് സമീപം ട്രെയിൻ അടിയന്തരമായി നിർത്തിയിടുകയും യാത്രക്കാരെ മുഴുവൻ സുരക്ഷിതമായി പുറത്തിറക്കുകയും ചെയ്തു.ട്രെയിനിന്റെ ബ്രേക്കിങ് സംവിധാനത്തിലുണ്ടായ ഘർഷണമാണ് പുകയാൻ കാരണമായതെന്നാണ് പ്രാഥമിക നിഗമനം.
നിലവിൽ റെയിൽവേ സാങ്കേതിക വിദഗ്ധർ സ്ഥലത്തെത്തി പരിശോധനകൾ നടത്തിവരികയാണ്. സംഭവത്തിൽ ആർക്കും പരിക്കുകൾ റിപ്പോർട്ട് ചെയ്തിട്ടില്ലെങ്കിലും, ഈ റൂട്ടിലൂടെയുള്ള സർവീസുകൾ വൈകിയാണ് ഓടുന്നത്.
Story Summary
Smoke was detected in the Ernakulam-Kayamkulam MEMU train near Mavelikkara, leading to an emergency halt near Nadakkavu railway gate. Passengers were safely evacuated, and a technical inspection is underway regarding a suspected brake system fault. No injuries were reported, but train services along the route have been delayed.
