പത്തനംതിട്ട: പതിമൂന്നുകാരി നൽകിയ വ്യാജ പീഡന പരാതിയുടെ പേരിൽ കസ്റ്റഡിയിലെടുത്ത യുവാക്കളെ മർദ്ദിച്ചെന്ന പരാതിയിൽ എസ്.ഐ ജയ്മോനെ സ്ഥലം മാറ്റി. കേസിൽ കോന്നി സി.ഐക്കെതിരായ അച്ചടക്ക നടപടിയിൽ ദക്ഷിണ മേഖല ഡി.ഐ.ജി ഉടൻ തീരുമാനമെടുക്കും.(Pathanamthitta fake abuse complaint, Koodal SI transferred over custodial torture)
പൊലീസിന്റെ ഭാഗത്തുനിന്ന് ഗുരുതര വീഴ്ചയുണ്ടായെന്ന് കണ്ടെത്തിയ വകുപ്പുതല അന്വേഷണ റിപ്പോർട്ടിന്റെ അടിസ്ഥാനത്തിലാണ് പത്തനംതിട്ട ജില്ലാ പൊലീസ് മേധാവി അച്ചടക്ക നടപടിക്ക് ശുപാർശ ചെയ്ത് ഡി.ഐ.ജിക്ക് റിപ്പോർട്ട് നൽകിയത്. പെൺകുട്ടിയുടെ വ്യാജ പരാതിയെ തുടർന്ന് ആറ് പേരെയാണ് കൂടൽ പൊലീസ് കസ്റ്റഡിയിലെടുത്തത്.
ഇതിൽ ഹൃദ്രോഗിയായ ഇരുപതുകാരനെ പൊലീസ് ക്രൂരമായി മർദ്ദിച്ചെന്ന് കാണിച്ച് യുവാവിന്റെ കുടുംബം പരാതി നൽകിയിരുന്നു. ഇതേത്തുടർന്നുണ്ടായ വിവാദങ്ങൾക്കൊടുവിലാണ് ഇപ്പോൾ എസ്.ഐക്കെതിരെ അടിയന്തര നടപടി സ്വീകരിച്ചിരിക്കുന്നത്.
Story Summary
Koodal SI Jayamohan has been transferred following an departmental probe into the custodial torture of youths who were detained over a 13-year-old girl’s fake assault complaint. The Pathanamthitta SP recommended strict disciplinary action to the DIG, which includes pending action against the Konni CI, after the family of a 20-year-old heart patient alleged severe police brutality.
