തിരുവനന്തപുരം: കാപ്പ (KAAPA) ചുമത്തപ്പെട്ട് ജയിലിലായ തിരുവനന്തപുരം നഗരസഭാ കൗൺസിലർ ആർ. സുഗതൻ സ്ഥാനം രാജിവെക്കണമെന്നാവശ്യപ്പെട്ട് എൽഡിഎഫ് പ്രതിഷേധം ശക്തമാക്കുന്നു. നഗരസഭയ്ക്ക് മുന്നിൽ എൽഡിഎഫ് കൗൺസിലർമാർ ആരംഭിച്ച സമരം വരും ദിവസങ്ങളിൽ കൂടുതൽ ശക്തമാക്കാനാണ് ഇടതുപക്ഷ മുന്നണിയുടെ തീരുമാനം.(LDF Demands Resignation Of BJP Councillor R Sugathan After KAAPA Arrest)
കൗൺസിലർ ആർ. സുഗതൻ നഗരസഭയ്ക്ക് തന്നെ കളങ്കമാണെന്ന് എൽഡിഎഫ് നേതാക്കൾ ആരോപിച്ചു. വൻകിട ഗുണ്ടാ സംഘങ്ങളെ നയിക്കുന്ന സുഗതനെതിരെ നിരവധി ക്രിമിനൽ കേസുകൾ നിലവിലുണ്ട്. വരും ദിവസങ്ങളിൽ എല്ലാ വാർഡുകളിലും പ്രതിഷേധ പരിപാടികൾ സംഘടിപ്പിക്കുമെന്നും, ജൂൺ 15-ന് കോർപ്പറേഷനിലേക്ക് വൻ ജനകീയ മാർച്ച് നടത്തുമെന്നും എൽഡിഎഫ് അറിയിച്ചു.
നാടകീയമായ പോലീസ് ഓപ്പറേഷനിലൂടെ കഴിഞ്ഞദിവസമാണ് സുഗതനെ പോലീസ് അറസ്റ്റ് ചെയ്തത്. കേസിൽ കൂടുതൽ തെളിവുകൾ ശേഖരിക്കുന്നതിനും വിശദമായി ചോദ്യം ചെയ്യുന്നതിനുമായി ഉടൻ തന്നെ കസ്റ്റഡിയിൽ വാങ്ങാനുള്ള നീക്കത്തിലാണ് പോലീസ്.
Story Summary
The LDF has launched a strong protest demanding the resignation of BJP councillor R. Sugathan following his arrest under the KAAPA act in Thiruvananthapuram. Alleging that Sugathan leads a criminal gang, the LDF has announced a series of ward-level protests culminating in a major march to the Corporation office on June 15.
