മലപ്പുറം: കുറ്റിപ്പുറത്ത് നടന്ന ബസ് അപകടവുമായി (Kuttippuram bus accident) ബന്ധപ്പെട്ട് ഡ്രൈവർ ചങ്ങരംകുളം സ്വദേശി ഷബീറിനെതിരെ മനഃപൂർവമല്ലാത്ത നരഹത്യ ഉൾപ്പെടെയുള്ള വകുപ്പുകൾ ചുമത്തി പൊലീസ് കേസെടുത്തു. അപകടത്തിൽ നിന്ന് രക്ഷപ്പെട്ട ഒരു വനിതാ യാത്രക്കാരി നൽകിയ പരാതിയുടെ അടിസ്ഥാനത്തിലാണ് നടപടി.
പരാതിയിൽ, ബസ് അമിതവേഗത്തിലായിരുന്നെന്നും ഡ്രൈവറുടെ അശ്രദ്ധാപരമായ ഡ്രൈവിങാണ് അപകടത്തിന് ഇടയാക്കിയതെന്നും ആരോപിക്കുന്നു. ഇതിന്റെ അടിസ്ഥാനത്തിൽ പൊലീസ് വിശദമായ അന്വേഷണം ആരംഭിച്ചിട്ടുണ്ട്.
അതേസമയം, അപകടസമയത്ത് മറ്റൊരു വാഹനം ബസിൽ ഇടിച്ചതായോ മുന്നിൽ അപ്രതീക്ഷിതമായ തടസ്സമുണ്ടായതായോ സ്ഥിരീകരിക്കുന്ന തെളിവുകളൊന്നും ഇതുവരെ ലഭിച്ചിട്ടില്ലെന്ന് അന്വേഷണ സംഘം അറിയിച്ചു.
റോഡിന്റെ അശാസ്ത്രീയമായ നിർമാണം, ബസിന്റെ വേഗത, വാഹനത്തിന്റെ സാങ്കേതിക സ്ഥിതി എന്നിവ ഉൾപ്പെടെയുള്ള എല്ലാ ഘടകങ്ങളും പരിശോധിച്ചുകൊണ്ട് മോട്ടോർ വാഹന വകുപ്പ് അന്വേഷണം തുടരുകയാണ്. അന്വേഷണ റിപ്പോർട്ടിന്റെ അടിസ്ഥാനത്തിൽ തുടർനടപടികൾ സ്വീകരിക്കുമെന്ന് അധികൃതർ അറിയിച്ചു.
Story Summary:
Police have registered a case against the driver in connection with the Kuttippuram bus accident, including charges of culpable homicide not amounting to murder. The investigation is focusing on alleged overspeeding, driver negligence, and road conditions.
