സിനിമ പ്രദർശനത്തിനിടെ അപ്രതീക്ഷിതമായി വൈദ്യുതി മുടങ്ങിയതോടെ നിരാശരായിരുന്ന പ്രേക്ഷകരെ വിസ്മയിപ്പിച്ച് ഒരു ചരിത്രാധ്യാപിക. ക്രിസ്റ്റഫർ നോളന്റെ The Odyssey പ്രദർശിപ്പിക്കുന്നതിനിടെയാണ് സംഭവം നടന്നത്. സിനിമ നിർത്തിവെക്കേണ്ടി വന്നെങ്കിലും, പ്രേക്ഷകരെ കാത്തിരിപ്പിൽ വിരസരാക്കാതെ അധ്യാപിക ഗ്രീക്ക് ഇതിഹാസമായ ഒഡിസിയുടെ കഥ വാചാലമായി വിവരിക്കാൻ തുടങ്ങുകയായിരുന്നു. ഈ അപൂർവ നിമിഷത്തിന്റെ വീഡിയോ ഇപ്പോൾ സമൂഹമാധ്യമങ്ങളിൽ വൈറലായിരിക്കുകയാണ്. (Odyssey movie History Teacher Viral Video)
ടിക്ടോക്കിലൂടെ ആദ്യം പ്രചരിച്ച വീഡിയോയിൽ, സിനിമാ തിയറ്ററിലെ വൈദ്യുതി മുടങ്ങിയതിന് പിന്നാലെ ഒരു സ്ത്രീ എഴുന്നേറ്റ് നിന്ന് ട്രോജൻ യുദ്ധം, അഗമെംനോൺ, ഒഡീസ്യസ് എന്നിവയെക്കുറിച്ച് വിശദീകരിക്കുന്നതാണ് കാണുന്നത്. ചരിത്രാധ്യാപികയെന്നാണ് ഇവരെ പരിചയപ്പെടുത്തിയിരിക്കുന്നത്. വൈദ്യുതി തിരികെ വരുംവരെ അവർ നടത്തിയ ഈ തത്സമയ വിവരണം പ്രേക്ഷകർ വലിയ ശ്രദ്ധയോടെയും ആസ്വാദനത്തോടെയും കേട്ടു.
A moment is going viral of an ‘Odyssey’ showing losing power, but a history teacher in the audience was able to pick up where the movie left off and educate the appreciative audience
by
u/mlg1981 in
popculturechat
വീഡിയോ വൈറലായതോടെ സോഷ്യൽ മീഡിയയിൽ അധ്യാപികയെ പ്രശംസിച്ച് നിരവധി പേർ രംഗത്തെത്തി. ഒഡിസിയും ഇലിയഡ് പോലുള്ള ഗ്രീക്ക് ഇതിഹാസങ്ങൾ ഒരുകാലത്ത് വാമൊഴിയായി തലമുറകളിലേക്ക് പകർന്നുനൽകിയിരുന്നുവെന്നും, അതേ രീതിയിൽ തന്നെ വീണ്ടും ആ കഥ കേൾക്കാൻ കഴിഞ്ഞത് ഏറെ യോജിച്ചതായിരുന്നുവെന്നുമാണ് പലരുടെയും പ്രതികരണം. “ഇത് യഥാർത്ഥത്തിൽ ഒഡിസി കേൾക്കേണ്ട രീതിയായിരുന്നു”, “നല്ല അധ്യാപകർ എന്നും അനുഗ്രഹമാണ്”, “ചരിത്രവും സാഹിത്യവും ഇങ്ങനെ ജീവനോടെ അവതരിപ്പിക്കാൻ എല്ലാവർക്കും കഴിയില്ല” തുടങ്ങിയ കമന്റുകളാണ് സമൂഹമാധ്യമങ്ങളിൽ നിറയുന്നത്. ചിലർ തങ്ങളുടെ വിദ്യാർത്ഥി ജീവിതത്തിൽ ഒഡിസി, ഇലിയഡ് തുടങ്ങിയ കൃതികൾ പഠിപ്പിച്ച അധ്യാപകരെ ഓർത്ത് അനുഭവങ്ങളും പങ്കുവെച്ചു.
അതേസമയം, ജൂലൈ 17-ന് റിലീസ് ചെയ്ത ക്രിസ്റ്റഫർ നോളന്റെ The Odyssey ലോകമെമ്പാടും മികച്ച പ്രതികരണമാണ് നേടുന്നത്. ഇന്ത്യയിലും ചിത്രം മികച്ച ബോക്സ് ഓഫീസ് പ്രകടനം തുടരുകയാണ്. റിലീസിന്റെ ആദ്യവാരത്തിനുള്ളിൽ തന്നെ ചിത്രം 90 കോടി രൂപയ്ക്ക് മുകളിൽ നെറ്റ് കളക്ഷൻ നേടിയതായി റിപ്പോർട്ടുകളുണ്ട്. മാറ്റ് ഡാമൺ, ടോം ഹോളണ്ട്, റോബർട്ട് പാറ്റിൻസൺ, ആൻ ഹാത്തവേ, സെൻഡായ, ചാർലിസ് തെറോൺ, ലുപിറ്റ ന്യോങ്’ഒ എന്നിവരാണ് ചിത്രത്തിലെ പ്രധാന താരങ്ങൾ.
Summary: A history teacher won the hearts of moviegoers after she narrated the story of The Odyssey when a power outage interrupted Christopher Nolan’s film screening. The unique moment went viral, with many praising her passion for history and storytelling.
