തിരുവനന്തപുരം: മാസപ്പടിക്കേസിൽ നിർണായക ആരോപണങ്ങളുമായി ബിജെപി നേതാവ് ഷോൺ ജോർജ്. കേസിൽ ഉൾപ്പെട്ട പണം വിദേശ അക്കൗണ്ടുകളിലേക്ക് വകമാറ്റിയതായി സംശയിക്കുന്നതായും, ഇക്കാര്യത്തിൽ വിശദമായ അന്വേഷണം വേണമെന്നും ആവശ്യപ്പെട്ട് അദ്ദേഹം എൻഫോഴ്സ്മെന്റ് ഡയറക്ടറേറ്റിന് കത്ത് നൽകി.(Shaun George Alleges Diversion Of Funds To Foreign Accounts in CMRL case )
‘എക്സാലോജിക് സൊല്യൂഷൻസ്’ കമ്പനിയുടെ അക്കൗണ്ടിലേക്കാണ് സിഎംആർഎൽ ഇടപാടിലൂടെ ലഭിച്ച പണം മാറ്റിയതെന്ന് ഷോൺ ജോർജ് കത്തിൽ ആരോപിക്കുന്നു. ഈ അക്കൗണ്ട് കൈകാര്യം ചെയ്യുന്നവരെക്കുറിച്ചും ഇതിൽ പരാമർശമുണ്ട്.
പണം പിന്നീട് അമേരിക്കയിലെ വിവിധ അക്കൗണ്ടുകളിലേക്ക് മാറ്റിയിട്ടുണ്ടെന്നാണ് ഷോൺ ജോർജിന്റെ പ്രധാന ആരോപണം. വിശ്വസനീയമായ കേന്ദ്രങ്ങളിൽ നിന്നാണ് തനിക്ക് ഈ വിവരങ്ങൾ ലഭിച്ചതെന്നും അദ്ദേഹം വ്യക്തമാക്കി. മാസപ്പടിക്കേസിലെ സാമ്പത്തിക ഇടപാടുകളെക്കുറിച്ച് നിലവിൽ നടന്നു വരുന്ന അന്വേഷണത്തിൽ ഈ വിദേശ ഇടപാടുകൾ കൂടി ഉൾപ്പെടുത്തണമെന്നാണ് ഷോൺ ജോർജിന്റെ ആവശ്യം.
Story Summary
BJP leader Shaun George has submitted a formal letter to the Enforcement Directorate (ED) alleging that funds from the controversial ‘monthly pay-off’ (Masappadi) case were diverted to foreign accounts. He claims that money received by Exalogic Solutions via CMRL was funneled through an Abu Dhabi Commercial Bank account to various accounts in the United States, and has urged investigators to expand their probe to cover these international transactions.
