2024-ലെ ബംഗ്ലാദേശ് പ്രക്ഷോഭത്തിൽ 1,400-ഓളം പേർ കൊല്ലപ്പെട്ടുവെന്ന ഐക്യരാഷ്ട്ര സംഘടനയുടെ അന്വേഷണ റിപ്പോർട്ടിലെ കണ്ടെത്തൽ തികച്ചും തെറ്റാണെന്ന് ചൂണ്ടിക്കാട്ടി മുൻ പ്രധാനമന്ത്രി ഷെയ്ഖ് ഹസീനയുടെ നിയമോപദേശകൻ രംഗത്ത് (Bangladesh Protest UN Death Count Report). ലണ്ടനിലെ പ്രമുഖ ലോ ചേമ്പറായ ഡൗട്ടി സ്ട്രീറ്റിലെ സ്റ്റീവൻ പൗൾസ് കെസി, യുഎൻ മനുഷ്യാവകാശ ഹൈക്കമ്മീഷണർ വോൾക്കർ ടർക്കിന് അയച്ച ഔദ്യോഗിക കത്തിലാണ് ഈ ആവശ്യ ഉന്നയിച്ചിരിക്കുന്നത്. 2025 ഫെബ്രുവരിയിൽ യുഎൻ മനുഷ്യാവകാശ ഓഫീസ് (OHCHR) പുറത്തുവിട്ട റിപ്പോർട്ടിലെ മരണസംഖ്യ പരസ്യമായി തിരുത്തണമെന്നാണ് കത്തിലെ പ്രധാന ആവശ്യം. ഹസീനയുടെ ഭരണകൂടത്തെ അട്ടിമറിക്കാൻ വേണ്ടി പ്രക്ഷോഭകാരികളുടെ മരണസംഖ്യ ബോധപൂർവ്വം പെരുപ്പിച്ചു കാട്ടുകയായിരുന്നുവെന്നും ഇതിനായി യുഎൻ റിപ്പോർട്ടിനെ രാഷ്ട്രീയ ആയുധമാക്കിയെന്നും കത്തിൽ ആരോപിക്കുന്നു.
ഇടക്കാല സർക്കാർ 2025 ജനുവരിയിൽ പുറത്തിറക്കിയ ഔദ്യോഗിക ഗസറ്റ് വിജ്ഞാപന പ്രകാരം മരണസംഖ്യ 834 മാത്രമാണെന്ന് ഹസീനയുടെ അഭിഭാഷകൻ ചൂണ്ടിക്കാട്ടി. പ്രക്ഷോഭത്തിന് നേതൃത്വം നൽകിയ വിദ്യാർത്ഥി കൂട്ടായ്മയുടെ കണക്കുകളിൽ പോലും മരണസംഖ്യ 650 മാത്രമാണ് രേഖപ്പെടുത്തിയിട്ടുള്ളത്. നിഷ്പക്ഷവും സ്വതന്ത്രവുമായ അന്വേഷണം നടത്തിയാൽ യഥാർത്ഥ മരണസംഖ്യ ഇതിലും കുറവായിരിക്കുമെന്നും, ഡോ. മുഹമ്മദ് യൂനുസിന്റെ നേതൃത്വത്തിലുള്ള ഇടക്കാല സർക്കാരിന്റെ താല്പര്യപ്രകാരമാണ് യുഎൻ ഈ അന്വേഷണം നടത്തിയതെന്നും കത്തിൽ കുറ്റപ്പെടുത്തുന്നു. 2025 നവംബറിൽ ബംഗ്ലാദേശിലെ ആഭ്യന്തര യുദ്ധക്കുറ്റ കോടതി ഷെയ്ഖ് ഹസീനയ്ക്കും മുൻ ആഭ്യന്തര മന്ത്രിക്കും വധശിക്ഷ വിധിച്ചിരുന്നു. ഈ സാഹചര്യത്തിൽ വ്യാജമായ വിവരണങ്ങൾ പ്രചരിപ്പിക്കാനുള്ള ഉപകരണമായി യുഎൻ മാറരുതെന്നും തെറ്റായ വിവരങ്ങൾ പരസ്യമായി പിൻവലിക്കണമെന്നും കത്തിൽ ആവശ്യപ്പെടുന്നുണ്ടെങ്കിലും യുഎൻ ഇതുവരെ ഇതിനോട് പ്രതികരിച്ചിട്ടില്ല.
Summary: The legal counsel for former Bangladesh Prime Minister Sheikh Hasina has formally requested the UN High Commissioner for Human Rights to retract its finding that nearly 1,400 people were killed in the 2024 protests. Lawyer Steven Powles argued that the UN’s figure is highly inaccurate, pointing out that the current interim government’s own official gazette lists only 834 casualties. The letter claims the inflated numbers were politically weaponized to justify the violent overthrow of Hasina’s government and sustain international pressure during her exile.
