തിരുവനന്തപുരം: പത്മനാഭസ്വാമി ക്ഷേത്രത്തിലെ സുരക്ഷാ വീഴ്ച സംബന്ധിച്ച ഡി.ജി.പിയുടെ റിപ്പോർട്ട് തള്ളി ക്ഷേത്ര ഭരണസമിതി. ക്ഷേത്രത്തിൽ നിന്ന് വിലപിടിപ്പുള്ളതോ അമൂല്യമായതോ ആയ വസ്തുക്കളൊന്നും നഷ്ടപ്പെട്ടിട്ടില്ലെന്നും, തങ്ങൾ നടത്തിയ നേരിട്ടുള്ള പരിശോധനയിൽ ഇക്കാര്യം ബോധ്യപ്പെട്ടതായും ഭരണസമിതി അറിയിച്ചു. വിഷയത്തിൽ പൊലീസ് നൽകിയ റിപ്പോർട്ടിനെതിരെ ഭരണസമിതി സർക്കാരിന് കത്ത് നൽകാൻ ഒരുങ്ങുകയാണ്.(Padmanabhaswamy Temple Security Lapse Controversy)
ക്ഷേത്രത്തിലെ അമൂല്യ വസ്തുക്കൾ കാണാതായെന്നും സുരക്ഷയിൽ ഗുരുതരമായ വീഴ്ച സംഭവിച്ചുവെന്നും ചൂണ്ടിക്കാട്ടി ഡി.ജി.പി തയ്യാറാക്കിയ റിപ്പോർട്ട് ആഭ്യന്തര സെക്രട്ടറി ഇന്ന് മന്ത്രി രമേശ് ചെന്നിത്തലയ്ക്ക് കൈമാറും. ഇന്റലിജൻസ് നടത്തിയ അന്വേഷണത്തിന്റെ അടിസ്ഥാനത്തിലാണ് ഈ റിപ്പോർട്ട് തയ്യാറാക്കിയിരിക്കുന്നത്.
അറ്റകുറ്റപ്പണികൾക്കായി കൊണ്ടുപോകുന്ന അമൂല്യ വസ്തുക്കൾ കാണാതാവുന്നതായും, പകരം വ്യാജ വസ്തുക്കൾ വെക്കുന്നതായും റിപ്പോർട്ടിൽ ആരോപണമുണ്ട്. ത്രീ-ടയർ സുരക്ഷാ സംവിധാനങ്ങൾ ഉണ്ടായിട്ടും ഇത്തരം സംഭവങ്ങൾ ആവർത്തിക്കുന്നത് സുരക്ഷയെത്തന്നെ ബാധിക്കുന്ന ഗൗരവകരമായ വിഷയമാണെന്നാണ് റിപ്പോർട്ട് പറയുന്നത്.
Story Summary
The Padmanabhaswamy Temple administration has rejected the police report alleging security lapses and the disappearance of invaluable artifacts. While the administration claims that nothing is missing, the DGP’s report—prepared after an extensive intelligence probe—details serious concerns, including unauthorized access by individuals connected to the royal family and potential mishandling of temple treasures. The Home Secretary is set to submit this report to the Home Minister today.
