മുംബൈ: ‘ഡോൺ 3’ സിനിമയിൽ നിന്നുള്ള നടൻ രൺവീർ സിംഗിന്റെ അപ്രതീക്ഷിത പിന്മാറ്റവുമായി ബന്ധപ്പെട്ട് നിർമ്മാതാവ് ഫർഹാൻ അക്തറും ഫെഡറേഷൻ ഓഫ് വെസ്റ്റേൺ ഇന്ത്യ സിനി എംപ്ലോയീസും താരത്തിനെതിരെ കടുത്ത നിലപാട് സ്വീകരിക്കുന്നതിനെ വിമർശിച്ചുകൊണ്ട് പ്രശസ്ത എഴുത്തുകാരിയും കോളമിസ്റ്റുമായ ശോഭ ഡെ രംഗത്ത് (Shobhaa De on Don 3 Dispute Conspiracy). രൺവീർ സിംഗിനെ സിനിമാ സ്റ്റുഡിയോകളിൽ പ്രവേശിക്കാൻ അനുവദിക്കില്ലെന്ന ഫിലിം ബോഡിയുടെ നീക്കത്തിന് പിന്നിൽ വൻ ഗൂഢാലോചനയുണ്ടെന്ന് ശോഭ ഡെ ആരോപിച്ചു. രൺവീറിനെ മാത്രമല്ല, അദ്ദേഹത്തിന്റെ ‘ധുരന്ധർ’ എന്ന സൂപ്പർഹിറ്റ് സ്പൈ-ത്രില്ലർ ചിത്രത്തിന്റെ സംവിധായകൻ ആദിത്യ ധറിനെയും അണിയറപ്രവർത്തകരെയുമാണ് ഇതിലൂടെ ലക്ഷ്യമിടുന്നത്. ആദിത്യ ധറിന്റെ അസാധാരണമായ വിജയം ബോളിവുഡിലെ ചില താല്പര്യക്കാർക്ക് ഭീഷണിയായതാണോ ഈ നീക്കത്തിന് പിന്നിലെന്ന് അവർ ഇൻസ്റ്റാഗ്രാമിലൂടെ പങ്കുവെച്ച വീഡിയോയിൽ സംശയം പ്രകടിപ്പിച്ചു.
View this post on Instagram
ഡൽഹിയിലെ പ്രശസ്തമായ ജിംഖാന ക്ലബ്ബ് വിവാദത്തോട് രൺവീറിന്റെ ഇപ്പോഴത്തെ അവസ്ഥയെ ഉപമിച്ച ശോഭ ഡെ, ഇത് കേവലം അധികാരത്തിനും നിയന്ത്രണത്തിനും വേണ്ടിയുള്ള ചിലരുടെ ശ്രമം മാത്രമാണെന്ന് ചൂണ്ടിക്കാട്ടി. ഫർഹാൻ അക്തറിന്റെ എക്സൽ എന്റർടൈൻമെന്റും രൺവീറും തമ്മിലുള്ള പ്രശ്നങ്ങൾ കോടതിയും അഭിഭാഷകരും വഴി നിയമപരമായി തീർക്കുന്നതിന് പകരം ഇത്തരം സംഘടനകളെ ഇടപെടുവിച്ച് വിലക്ക് ഏർപ്പെടുത്തുന്നത് ബോളിവുഡിന്റെ പ്രതിച്ഛായയ്ക്ക് മങ്ങലേൽപ്പിക്കും. രൺവീറിന്റെ പിന്മാറ്റം കാരണം തനിക്ക് 45 കോടി രൂപയുടെ നഷ്ടമുണ്ടായെന്ന് കാണിച്ച് ഫർഹാൻ അക്തർ നൽകിയ പരാതിയിലാണ് ഫെഡറേഷൻ രൺവീറിനെതിരെ നിസ്സഹകരണ പ്രഖ്യാപനം നടത്തിയത്. എന്നാൽ ഈ വിവാദങ്ങളിലെല്ലാം തികഞ്ഞ പക്വതയോടെയും അന്തസ്സോടെയും മൗനം പാലിക്കുന്ന രൺവീർ സിംഗിന്റെ നിലപാടിനെ ശോഭ ഡെ അഭിനന്ദിച്ചു. ഈ മൗനം അദ്ദേഹത്തിന്റെ ജനപ്രീതിയും ബ്രാൻഡ് മൂല്യവും വർദ്ധിപ്പിക്കുകയേ ഉള്ളൂ എന്നും അവർ കൂട്ടിച്ചേർത്തു.
Summary: Author Shobhaa De has claimed that the ongoing Don 3 controversy and the subsequent non-cooperation directive against Ranveer Singh is part of an “ugly conspiracy” targeting the actor and filmmaker Aditya Dhar. She criticized the Federation of Western India Cine Employees (FWICE) for intervening in what should be a legally handled dispute between Excel Entertainment and the actor. De praised Ranveer for maintaining a dignified silence throughout the issue, stating that it will only enhance his brand appeal and popularity among fans.
