തിരുവനന്തപുരം: കേരളത്തിൽ അധികാരത്തിലേറാൻ പോകുന്ന പുതിയ യുഡിഎഫ് സർക്കാർ ജനങ്ങളുടെ പ്രതീക്ഷയ്ക്കൊത്ത് ഉയരുന്ന ഒരു ജനകീയ മന്ത്രിസഭയായിരിക്കുമെന്ന് ചാണ്ടി ഉമ്മൻ. തിരഞ്ഞെടുപ്പ് കാലത്ത് ജനങ്ങൾക്ക് നൽകിയ വാഗ്ദാനങ്ങളെല്ലാം പുതിയ സർക്കാർ പൂർണ്ണമായും നടപ്പാക്കുമെന്നും അദ്ദേഹം പ്രമുഖ മാധ്യമത്തോട് പറഞ്ഞു.(Chandy Oommen On UDF Cabinet Formation And Warning On Government Performance)
മുഖ്യമന്ത്രി പ്രഖ്യാപനത്തിന് പിന്നാലെ കോൺഗ്രസിനുള്ളിൽ നിലവിൽ പുറമേക്ക് കാണുന്ന എല്ലാ തർക്കങ്ങളും മന്ത്രിസഭാ രൂപീകരണത്തോടെ പൂർണ്ണമായി ഇല്ലാതാകും. ചെന്നിത്തലയ്ക്കുള്ള പരിഭവങ്ങൾ ചർച്ചകളിലൂടെ പരിഹരിക്കുമെന്നും അദ്ദേഹം പറഞ്ഞു. പൂർണ്ണമായ ജനാധിപത്യ മര്യാദകൾ പാലിച്ചുകൊണ്ട് മാത്രമായിരിക്കും പുതിയ മുഖ്യമന്ത്രി വി. ഡി. സതീശൻ മുന്നോട്ട് പോവുകയെന്നും ചാണ്ടി ഉമ്മൻ കൂട്ടിച്ചേർത്തു.
മുഖ്യമന്ത്രിയുടെ വാഹനവ്യൂഹം വെട്ടിച്ചുരുക്കാനുള്ള വി. ഡി. സതീശന്റെ തീരുമാനം വളരെ നല്ല തുടക്കമാണെന്ന് ചാണ്ടി ഉമ്മൻ പ്രശംസിച്ചു. ജനങ്ങളോടുള്ള ഉത്തരവാദിത്തം പാലിച്ചില്ലെങ്കിൽ മുൻപ് ഭരിച്ച ഇടത് സർക്കാരിൻ്റെ അവസ്ഥ വരുമെന്ന കടുത്ത ഓർമ്മപ്പെടുത്തലും ചാണ്ടി ഉമ്മൻ പങ്കുവെച്ചു.
Story Summary
Puthuppally MLA Chandy Oommen stated that the upcoming UDF government in Kerala will be a people-centric administration that fulfills all its promises. While praising VD Satheesan’s decision to downsize the CM’s convoy, he warned that if the government fails to meet public expectations, it will face a downfall similar to the previous LDF government.
