പാലക്കാട്: മലമ്പുഴ അകമലവാരം ആദിവാസി ഉന്നതിയിൽ കാട്ടാനയുടെ ആക്രമണത്തിൽ ഒരാൾ കൊല്ലപ്പെട്ടു. അകമലവാരം സ്വദേശി ചന്ദ്രൻ (45) ആണ് മരിച്ചത്. ഇന്ന് പുലർച്ചെ 3.30-ഓടെയായിരുന്നു നാടിനെ നടുക്കിയ സംഭവം നടന്നത്.(Wild Elephant Attack Claims Life In Palakkad Malampuzha)
ചന്ദ്രനും കൂടെയുള്ളവരും വീടിനു പുറത്തെ പുളിമരച്ചുവട്ടിൽ കിടന്നുറങ്ങുകയായിരുന്നു. ഇതിനിടയിലാണ് കാട്ടാന ആക്രമണത്തിനായി എത്തിയത്. ആനയെ കണ്ട് കൂടെയുണ്ടായിരുന്ന രണ്ടുപേർ ഓടിരക്ഷപ്പെട്ടെങ്കിലും, പെട്ടെന്ന് ഒഴിഞ്ഞുമാറാൻ കഴിയാതിരുന്ന ചന്ദ്രൻ ആനയുടെ മുന്നിൽപ്പെടുകയായിരുന്നു. കാട്ടാനയുടെ ചവിട്ടേറ്റാണ് ചന്ദ്രൻ മരണപ്പെട്ടത്.
മലമ്പുഴ സർക്കാർ ആശുപത്രിയിലെ മുൻ താൽക്കാലിക ജീവനക്കാരനായിരുന്നു മരിച്ച ചന്ദ്രൻ. സാധാരണയായി കാട്ടാന ശല്യം അധികം ഉണ്ടാകാത്ത പ്രദേശമാണ് ഇതെന്നാണ് നാട്ടുകാർ പറയുന്നത്.
Story Summary
In a tragic incident in Malampuzha, Palakkad, a 45-year-old tribal man named Chandran was trampled to death by a wild elephant early this morning. Chandran was sleeping under a tree outside his house due to the intense heat when the elephant attacked; although two others who were with him managed to escape, Chandran could not evade the attack in time.
