കൊച്ചി: കുംഭമേള വൈറൽ താരത്തിൻ്റെ വിവാഹത്തെച്ചൊല്ലിയുള്ള തർക്കം പുതിയ തലത്തിലേക്ക്. പെൺകുട്ടിക്ക് പ്രായപൂർത്തിയായിട്ടില്ലെന്ന പരാതിയിൽ അന്വേഷണത്തിനായി മധ്യപ്രദേശ് പോലീസ് കൊച്ചിയിലെത്തി. ഇതിന് പിന്നാലെ തനിക്ക് കേരള പോലീസിന്റെ സംരക്ഷണം വേണമെന്നാവശ്യപ്പെട്ട് പെൺകുട്ടി മുഖ്യമന്ത്രിക്കടക്കം പരാതി നൽകി.(Kumbh Mela viral star’s wedding, Madhya Pradesh police remain in Kochi)
മധ്യപ്രദേശ് പോലീസ് സംഘം ഇന്നലെ കൊച്ചിയിലെ വിവിധ ഇടങ്ങളിൽ പരിശോധന നടത്തിയെങ്കിലും പെൺകുട്ടിയെ കണ്ടെത്താനായില്ല. പെൺകുട്ടി നഗരത്തിൽ തന്നെയുണ്ടെന്നാണ് സൂചന. ഭർത്താവ് ഫർമാൻ ഖാനെതിരെ കേസ് ചുമത്തിയിട്ടുണ്ട്. ഫർമാന്റെ അറസ്റ്റ് ഈ മാസം 20-ാം തീയതി വരെ കേരള ഹൈക്കോടതി തടഞ്ഞിട്ടുണ്ട്.
തനിക്ക് 18 വയസ്സ് പൂർത്തിയായെന്നും സ്വമേധയാ ആണ് വിവാഹം കഴിച്ചതെന്നും പെൺകുട്ടി അവകാശപ്പെടുന്നു. പെൺകുട്ടിയുടെ മൊഴി രേഖപ്പെടുത്താനാണ് തങ്ങൾ എത്തിയതെന്നാണ് മധ്യപ്രദേശ് പോലീസ് ഔദ്യോഗികമായി അറിയിച്ചിരിക്കുന്നത്.
