ലെബനനിലെ ഇസ്രയേൽ ആക്രമണത്തിൽ മൂന്ന് ഹിസ്ബുള്ള അംഗങ്ങൾ കൊല്ലപ്പെട്ടു
Jun 11, 2024, 10:46 IST
![ലെബനൻ](https://timeskerala.com/static/c1e/client/91214/uploaded/986641722cc9d4d4dfd7989683134886.jpg)
ബെയ്റൂട്ട്: ലെബനനിലെ ഇസ്രയേൽ ആക്രമണത്തിൽ മൂന്ന് ഹിസ്ബുള്ള അംഗങ്ങൾ കൊല്ലപ്പെട്ടു. വടക്കുകിഴക്കൻ ലെബനനിൽ ആണ് സംഭവം. ടാങ്കർ വാഹനവ്യൂഹത്തെ ലക്ഷ്യമിട്ട് ഇസ്രായേൽ നടത്തിയ ആക്രമണത്തിലാണ് മൂന്ന് ഹിസ്ബുള്ള അംഗങ്ങൾ കൊല്ലപ്പെട്ടത്. ആക്രമണം നടന്നത് സിറിയയുടെ അതിർത്തിയിലുള്ള ഹെർമൽ ജില്ലയിലെ ഗ്രാമത്തിലാണ്. ആക്രമണത്തിൽ മറ്റ് രണ്ട് പേർ കൂടി കൊല്ലപ്പെട്ടിട്ടുള്ളതായാണ് സിറിയൻ ഒബ്സർവേറ്ററി ഫോർ ഹ്യൂമൻ റൈറ്റ്സ് വാർ മോണിറ്റർ പ്രകാരം ഉള്ള സൂചന. രണ്ട് പേരെ ആക്രമണത്തിൽ കാണാതായതായും അഞ്ച് പേർക്ക് പരിക്കേറ്റതായും സൂചനകളുണ്ട്.