ഫിൻലാന്റിലെ പ്രൈമറി സ്കൂളിലുണ്ടായ വെടിവയ്പ്പിൽ മൂന്ന് കുട്ടികൾക്ക് പരിക്ക്
Apr 2, 2024, 16:44 IST
![അമേരിക്കയിൽ സ്കൂളിൽ ഉണ്ടായ വെടിവയ്പ്പിൽ രണ്ടു പേർക്ക് പരിക്കേറ്റു](https://timeskerala.com/static/c1e/client/91214/migrated/fc136201ea50506ffd59cea3ae3a9a83.jpg)
ഫിൻലാന്റിലെ പ്രൈമറി സ്കൂളിലുണ്ടായ വെടിവയ്പ്പിൽ മൂന്ന് കുട്ടികൾക്ക് പരിക്ക്. ഹെൽസിങ്കിക്ക് സമീപമുള്ള വാന്റയിലെ പ്രൈമറി സ്കൂളിലാണ് സംഭവം നടന്നത്. ഇന്ന് രാവിലെ പത്ത് മണിയോടെയായിരുന്നു വെടിവയ്പ് നടന്നത്. ആക്രമണം നടത്തിയത് പ്രായപൂർത്തിയാകാത്ത കുട്ടിയാണെന്നും വിദ്യാർത്ഥി കസ്റ്റഡിയിലാണെന്നും പോലീസ് പറഞ്ഞു.
12-കാരനാണ് വെടിയുതിർത്തതെന്നാണ് പുറത്തുവരുന്ന റിപ്പോർട്ടുകൾ. പരിക്കേറ്റവരെ ആശുപത്രിയിലേക്ക് പ്രവേശിപ്പിച്ചതായി പൊലീസ് അറിയിച്ചു. വാന്റയിലെ വിയർട്ടോല സ്കൂളിലാണ് വെടിവയ്പ്പ് നടന്നത്.
സ്കൂളിൽ ഒന്ന് മുതൽ ഒമ്പതാം ക്ലാസ് വരെയാണുള്ളത്. ഇവിടെ 800 കുട്ടികളും 90 പേരടങ്ങുന്ന സ്റ്റാഫുമാണുള്ളത്.
![](https://timeskerala.com/static/c1e/static/themes/16/91214/3752/images/New-Creative-.png)
സംഭവത്തെക്കുറിച്ച് കൂടുതൽ പ്രതികരിക്കാൻ സ്കൂൾ പ്രിൻസിപ്പൽ സാരി ലസില തയാറായില്ല.