യുക്രെയ്നിൽ റഷ്യൻ മുന്നേറ്റം: സെലെൻസ്കി വിദേശയാത്രകൾ റദ്ദാക്കി
May 16, 2024, 11:11 IST
കീവ്: റഷ്യൻ സൈന്യം യുക്രെയ്നിൽ മുന്നേറ്റം തുടരുന്ന സാഹചര്യത്തിൽ പ്രസിഡന്‍റ് വോളോദിമിർ സെലെൻസ്കി വരുംദിവസങ്ങളിലെ വിദേശയാത്രകളെല്ലാം റദ്ദാക്കി. ഇതിനു പിന്നിലെ കാരണം അദ്ദേഹം വ്യക്തമാക്കിയിട്ടില്ല. അതേസമയം, അമേരിക്കൻ വിദേശകാര്യ സെക്രട്ടറി ആന്‍റണി ബ്ലിങ്കൻ യുക്രെയ്നു 200 കോടി ഡോളറിന്‍റെ (16,696 രൂപ) സഹായംകൂടി നൽകുമെന്ന് അറിയിച്ചു. ബ്ലിങ്കൻ രണ്ടുദിവസമായി യുക്രെയ്‌നിലാണ്. എണ്ണായിരത്തോളം ആളുകൾ റഷ്യൻ സൈന്യം മുന്നേറുന്ന വടക്കുകിഴക്കൻ ഹർകീവ് മേഖലയിൽ നിന്ന് ഒഴിഞ്ഞുപോയിട്ടുണ്ട്.