ഗാസയിൽ വെടിനിർത്തലിനപേക്ഷിച്ച് ഫ്രാൻസിസ് മാർപാപ്പ
Apr 1, 2024, 12:55 IST
റോം: ഗാസയിൽ വെടിനിർത്തലിനപേക്ഷിച്ച് ഫ്രാൻസിസ് മാർപാപ്പ. ഇതുകൂടാതെ റഷ്യക്കും യുക്രൈയ്നും ഇടയിൽ തടവുകാരുടെ കൈമാറ്റത്തിനു വേണ്ടിയും അദ്ദേഹം അഭ്യർത്ഥന നടത്തി. മാർപ്പാപ്പ റോമിലെ സെന്‍റ് പീറ്റേഴ്സ് സ്ക്വയറിൽ ഈസ്റ്റർ ദിനത്തിൽ നടന്ന തിരുക്കർമങ്ങൾക്കിടയിൽ സന്ദേശം നൽകുകയായിരുന്നു. സമാധാനമൊരിക്കലും ആയുധങ്ങൾ കൊണ്ട് ഉണ്ടാകില്ലെന്നും നീട്ടിയ കരങ്ങളാലും തുറന്ന ഹൃദയത്താലുമാണ് ഉണ്ടാക്കപ്പെടുന്നതെന്നും മാർപ്പാപ്പ പറഞ്ഞു. 30,000ത്തോളം ആളുകൾ മാർപാപ്പയുടെ കാർമികത്വത്തിൽ നടന്ന വിശുദ്ധ കുർബാനയിൽ പങ്കെടുത്തതായി വത്തിക്കാൻ അറിയിച്ചു.