വീണ്ടും മിസൈൽ പരീക്ഷണം നടത്തി ഉത്തരകൊറിയ; ഒരു മാസത്തിനിടെ മൂന്നാമത്തെ പരീക്ഷണം
Jan 15, 2022, 10:45 IST
സീയൂൾ: വീണ്ടും മിസൈൽ പരീക്ഷണം നടത്തി ഉത്തരകൊറിയ. ട്രെയിനിൽ നിന്നും വിക്ഷേപിക്കാവുന്ന മിസൈലാണ് പരീക്ഷിച്ചത്. ഒരു മാസത്തിനിടെ ഇത് മൂന്നാമത്തെ മിസൈൽ പരീക്ഷണമാണ്. ഹ്രസ്വദൂര ബാലിസ്റ്റിക് മിസൈലുകളാണ് പരീക്ഷിച്ചതെന്ന് ദക്ഷിണകൊറിയ സംയുക്ത സേനാ മേധാവി അറിയിച്ചു. അതേസമയം, മിസൈൽ പരീക്ഷണത്തിന്റെ കൂടുതൽ വിശദാംശങ്ങൾ അമേരിക്കയിലെയും ദക്ഷിണകൊറിയയിലെയും ഇന്‍റലിജൻസ് ഏജൻസികൾ വിലയിരുത്തിവരുകയാണ്. ഉത്തരകൊറിയ ബാലിസ്റ്റിക് മിസൈൽ പരീക്ഷിക്കുന്നത് ഐക്യരാഷ്‌ട്രസഭ നിരോധിച്ചിട്ടുള്ളതാണ്. ഏതാനും ദിവസം മുന്പ് അവർ ഹൈപ്പർ സോണിക് മിസൈൽ പരീക്ഷിച്ചിരുന്നു.