ഇസ്രായേലിൽ അൽ ജസീറ ചാനൽ നിരോധിക്കുമെന്ന് നെതന്യാഹു
Apr 3, 2024, 14:04 IST
ടെൽ അവീവ്: ഇസ്രായേലിൽ അൽ ജസീറ ചാനലിന് നിരോധനമേർപ്പെടുത്തുമെന്ന് പ്രധാനമന്ത്രി നെതന്യാഹു. തിങ്കളാഴ്ച ഇസ്രായേൽ പാർലമെൻറ് ദേശീയ സുരക്ഷാഭീഷണി ഉയർത്തുന്ന വിദേശ മാധ്യമങ്ങളുടെ പ്രവർത്തനം വിലക്കാൻ പ്രധാനമന്ത്രിക്ക് അധികാരം നല്കുന്ന നിയമം പാസാക്കിയിരുന്നു. നെതന്യാഹു ഈ നിയമം അൽ ജസീറയ്‌ക്കെതിരെ പ്രയോഗിക്കാനാണുദ്ദേശിക്കുന്നത്. അദ്ദേഹം സോഷ്യൽ മീഡിയയിൽ പറഞ്ഞത് ഇസ്രായേലിൻ്റെ സുരക്ഷയ്ക്ക് ഹമാസിന്‍റെ മുഖപത്രമായ അൽ ജസീറ ഭീഷണിയാണെന്നാണ്. വരും ദിവസങ്ങളിൽ നിരോധനമുണ്ടാകുമെന്ന് കമ്യൂണിക്കേഷൻ മന്ത്രി ഷ്ലോമോ കാർഹി പറഞ്ഞു.