തായ്‌വാനിൽ വൻ ഭൂചലനം
Apr 3, 2024, 13:14 IST
ടോക്കിയോ: തായ്‌വാന്‍റെ കിഴക്കൻ മേഖലയിൽ റിക്ടർ സ്കെയിലിൽ 7.4 തീവ്രത രേഖപ്പെടുത്തിയ ഭൂചലനമുണ്ടായി. ഭൂചലനം അനുഭവപ്പെട്ടത് പ്രാദേശിക സമയം രാവിലെ എട്ടോടെയാണ്. തെക്കൻ ജപ്പാൻ്റെ ചില ഭാഗങ്ങളിൽ ഇതേത്തുടർന്ന് സുനാമി മുന്നറിയിപ്പും നൽകി. ഭൂചലനത്തിൻ്റെ പ്രഭവകേന്ദ്രം തായ്‌വാനിലെ ഹുവാലിയൻ സിറ്റിയിൽ നിന്ന് 18 കിലോമീറ്റർ തെക്ക് 34.8 കിലോമീറ്റർ ആഴത്തിലാണ്. മൂന്ന് മീറ്റർ (10 അടി) വരെ ഉയരമുള്ള സുനാമി തിരമാലകൾ മിയാകോജിമ ദ്വീപ് ഉൾപ്പെടെയുള്ള വിദൂര ജാപ്പനീസ് ദ്വീപുകളിൽ ഉടനടി പ്രതീക്ഷിക്കുന്നതായി അധികൃതർ വ്യക്തമാക്കി.