യു.കെയിൽ മലയാളി യുവതി കുട്ടികളെ വിഷം കുത്തിവെച്ച് കൊല്ലാൻ ശ്രമിച്ചു; ആത്മഹത്യശ്രമം: അറസ്റ്റ്
![അധാർമിക പ്രവർത്തനങ്ങളുമായി ബന്ധപ്പെട്ട് ഒരുകൂട്ടം സ്ത്രീകളെ റോയൽ ഒമാൻ പൊലീസ് അറസ്റ്റ് ചെയ്തു](https://timeskerala.com/static/c1e/client/91214/uploaded/0f10381d14745577e7b263769adbe721.jpg)
സസക്സ്: രണ്ട് കുട്ടികളെ വിഷം കുത്തിവെച്ച് കൊല്ലാൻ ശ്രമിച്ച ശേഷം ജീവനൊടുക്കാൻ യുകെയിൽ മലയാളി യുവതി ശ്രമിച്ചു. ഈസ്റ്റ് സസെക്സിലെ അക്ഫീൽഡിൽ ഹണ്ടേഴ്സ് വേയിലായിരുന്നു ക്രൂര സംഭവം. 38 വയസുകാരിയായ ജിലുമോൾ ജോർജിനെ പൊലീസ് അറസ്റ്റ് ചെയ്തു. ഒന്പതും പതിമൂന്നും വയസുള്ള സ്വന്തം മക്കളുടെ ശരീരത്തിലാണ് രാസവസ്തു കുത്തിവെച്ച് ജിലുമോൾ കൊലപ്പെടുത്താൻ ശ്രമിച്ചതെന്ന് റിപ്പോര്ട്ടുകൾ പറയുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
വ്യാഴാഴ്ചയായിരുന്നു കൊലപാതകശ്രമം നടന്നത്. വിവരം കിട്ടിയതനുസരിച്ച് എമർജൻസി സർവീസസ് വിഭാഗം ജീവനക്കാര് സ്ഥലത്തെത്തി യുവതിയെയും മക്കളെയും ആശുപത്രിയിൽ പ്രവേശിപ്പിച്ചു. കുട്ടികൾ നിലവിൽ ചികിത്സയിലാണ്. ജിലുമോൾ ജോര്ജിനെ ആശുപത്രിയിൽ പ്രവേശിപ്പിച്ചിരുന്നു. പിന്നീട് ശനിയാഴ്ച ബ്രിങ്ടൺ മജിസ്ട്രേറ്റ്സ് കോടതിയിൽ ഹാജരാക്കി. കോടതി ഇവരെ റിമാൻഡ് ചെയ്തു. മാര്ച്ച് എട്ടിന് വീണ്ടും ഹാജരാക്കാനാണ് കോടതി അറിയിച്ചിരിക്കുന്നത്. രണ്ട് വധശ്രമ കേസുകളും ആത്മഹത്യാ ശ്രമവുമാണ് ജിലുമോൾക്കെതിരെ ചുമത്തിയിരിക്കുന്നത്.