ഡമാസ്കസ് കോൺസുലേറ്റ് ആക്രമണത്തിൽ പ്രതികാരം ചെയ്യുമെന്ന് ഇറാൻ
Apr 3, 2024, 14:19 IST
ടെഹ്റാൻ: ഇസ്രായേലിനോടും അമേരിക്കയോടും ഡമാസ്കസ് കോൺസുലേറ്റ് ആക്രമണത്തിൽ പ്രതികാരം ചെയ്യുമെന്ന് ഭീഷണി മുഴക്കി ഇറാൻ. ബ്രിഗേഡിയർ ജനറൽമാരായ മുഹമ്മദ് റേസാ സഹേദി, മുഹമ്മദ് ഹാദി ഹാജി റഹീമി എന്നിവരുൾപ്പെടെ ഇറാനിയൻ വിപ്ലവ ഗാർഡിലെ ഏഴ് ഉദ്യോഗസ്ഥരാണ് ആക്രമണത്തിൽ കൊല്ലപ്പെട്ടതെന്നും സ്ഥിരീകരിച്ചു. ഇസ്രായേൽ തിങ്കളാഴ്ച നടത്തിയ ആക്രമണത്തിൽ പ്രതികരിച്ചിട്ടില്ല. ആക്രമണത്തിന് പിന്നിൽ ഇസ്രായേൽ ആണെന്ന് ഇറാനിയൻ പ്രസിഡൻറ് ഇബ്രാഹിം റെയ്സി ആരോപിച്ചു. തക്കതായ തിരിച്ചടി നൽകുമെന്നും അദ്ദേഹം അറിയിച്ചു.