എം​ബ​സി​ക്ക് തൊട്ടരികിൽ വീ‌​ട്; സു​ഡാ​നി​ൽ പ​ട്ടി​ണി കി​ട​ന്ന് മ​രി​ച്ച് ബ്രി​ട്ടീ​ഷ് പൗ​ര​ന്‍റെ ഭാ​ര്യ

ഖാ​ർ​ത്തും: സു​ഡാ​നി​ലെ ബ്രി​ട്ടി​ഷ് എം​ബ​സി​ക്ക് തൊ​ട്ട​ടു​ത്ത് താ​മ​സി​ക്കു​ന്ന ബ്രി​ട്ടി​ഷ് പൗ​ര​ന്‍റെ ഭാ​ര്യ സ​ഹാ​യ​മൊ​ന്നും ല​ഭി​ക്കാ​തെ പ​ട്ടി​ണി മൂ​ലം മ​രി​ച്ചു. ല​ണ്ട​നി​ൽ ഹോ​ട്ട​ൽ ന​ട​ത്തു​ന്ന അ​ബ്ദു​ള്ള ഷോ​ൽ​ഗാ​മി(85)​യു​ടെ ‌ഭാ​ര്യ അ​ല​വേ​യ റി​ഷ്‌​വാ​നാ​ണ് മ​രി​ച്ച​ത്. ഖാ​ർ​ത്തു​മി​ൽ നി​ന്ന് ബ്രി​ട്ട​ണി​ലേ​ക്ക് ര​ക്ഷ​പ്പെ​ടാ​നാ​യി സ​ഹാ​യം അ​ഭ്യ​ർ​ഥി​ച്ചി​റ​ങ്ങി​യ ഭ​ർ​ത്താ​വ് വെ​ടി​യേ​റ്റ് വീ​ണ​തോ​ടെ​യാ​ണ് 80-കാ​രി​യാ​യ ഭാ​ര്യ​ക്ക് ഈ ​ദു​ർ​വി​ധി സം​ഭ​വി​ച്ച​ത്.

എം​ബ​സി​ക്ക് തൊ​ട്ട​ടു​ത്ത് വ​സി​ക്കു​ന്ന ഷോ​ൽ​ഗാ​മി, ത​ന്നെ​യും കു​ടും​ബ​ത്തെ​യും ബ്രി​ട്ട​ണി​ൽ എ​ത്താ​നാ​യി സ​ഹാ​യി​ക്ക​ണ​മെ​ന്ന് എം​ബ​സി അ​ധി​കൃ​ത​രോ​ട് അ​ഭ്യ​ർ​ഥി​ച്ചി​രു​ന്നു. എ​ന്നാ​ൽ യു​ദ്ധ​മേ​ഖ​ല​യി​ൽ കൂ​ടി 40 കി​ലോ​മീ​റ്റ​ർ സ​ഞ്ച​രി​ച്ച് ര​ക്ഷാ​പ്ര​വ​ർ​ത്ത​ക​രു​ടെ വി​മാ​ന​ത്തി​ൽ ക​യ​റാ​നാ​ണ് അ​ധി​കൃ​ത​ർ നി​ർ​ദേ​ശം നൽകിയത്. 

ദി​വ​സ​ങ്ങ​ൾ കാ​ത്തി​രു​ന്ന ശേ​ഷ​വും സ​ഹാ​യം ല​ഭി​ക്കാ​തെ വ​ന്ന​തോ​ടെ ര​ക്ഷാ​പ്ര​വ​ർ​ത്ത​രു​ടെ അ​ടു​ത്തേ​ക്ക് ഷോ​ൽ​ഗാ​മി യാ​ത്ര തിരിക്കുകയും ഇ​തി​നി​ടെ​  ഇ​യാ​ൾ​ക്ക് വെ​ടി​യേൽക്കുകയുമായിരുന്നു. വെ​ടി​വ​യ്പ്പി​ൽ ഗു​രു​ത​ര​മാ​യി പ​രി​ക്കേ​റ്റ ഷോ​ൽ​ഗാ​മി​യെ ഡോ​ക്ട​റാ​യ മ​ക​ൻ അ​ന​സ്തേ​ഷ്യ ഉ​പ​യോ​ഗി​ക്കാ​തെ, പ​രി​മി​ത​മാ​യ സാ​ഹ​ച​ര്യ​ങ്ങ​ളി​ൽ ന​ട​ത്തി​യ ശ​സ്ത്ര​ക്രി​യ​യി​ലൂ​ടെ ര​ക്ഷ​പ്പെ​ടു​ത്തി​യി​രു​ന്നു. 

ഷോ​ൽ​ഗാ​മി തി​രി​ച്ചെ​ത്താ​തി​രു​ന്ന​തോ​ടെ ഭി​ന്ന​ശേ​ഷി​ക്കാ​രി​യാ​യ റി​ഷ്‌​വാ​ൻ ഭ​ക്ഷ​ണ​വും വെ​ള്ള​വും ല​ഭി​ക്കാ​തെ മ​ര​ണ​പ്പെ​ടു​ക​യാ​യി​രു​ന്നു. ഷോ​ൽ​ഗാ​മി നി​ല​വി​ൽ ഈ​ജി​പ്തി​ൽ ചി​കി​ത്സയിലാണ്.

സൈ​ന്യ​വും അ​ർ​ധ​സൈ​നി​ക വി​ഭാ​ഗ​വും ത​മ്മി​ലു​ള്ള ആ​ഭ്യ​ന്ത​ര യു​ദ്ധ​ത്തി​നി​ടെ അ​റു​ന്നൂ​റി​ല​ധി​കം ആ​ളു​ക​ളാ​ണ് സു​ഡാ​നി​ൽ ഇ​തു​വ​രെ മ​രി​ച്ച​ത്.