ഒൻപതാം മാസത്തിലേക്ക് കടന്ന് ഗാസാ യുദ്ധം: ആക്രമണം കടുപ്പിച്ച് ഇസ്രയേൽ
Jun 8, 2024, 17:07 IST
കയ്റോ: ഒൻപതാം മാസത്തിലേയ്ക്ക് കടന്ന് ഗാസാ യുദ്ധം. ശക്തമായ ആക്രമണം തുടരുകയാണ് ഇസ്രായേൽ സേന. വീണ്ടും കഴിഞ്ഞദിവസം 35 പേർ കൊല്ലപ്പെട്ട യു എൻ സ്കൂൾ ഉൾപ്പെടുന്ന നുസെയ്റത്ത് അഭയാർഥി ക്യാംപ് ആക്രമിക്കപ്പെടുകയുണ്ടായി. കൂടാതെ, ഗാസ സിറ്റി, ദയിർ അൽ ബലാ, റാഫയിലെ അൽ സുൽത്താൻ മേഖല എന്നിവിടങ്ങളും ആക്രമിച്ചു. ആക്രമണത്തിൽ കരസേനയ്ക്കു പുറമെ ഇസ്രായേലി വ്യോമസേനയും നാവികസേനയും പങ്കുചേരുകയുണ്ടായി.