ഒടുവിൽ ജപ്പാൻ രാജകുടുംബവും ഇൻസ്റ്റഗ്രാമിൽ
Apr 4, 2024, 14:39 IST
ടോക്കിയോ: ഒടുവിൽ ജാപ്പനീസ് രാജകുടുംബവും ഇൻസ്റ്റഗ്രാമിലെത്തി. ആറുലക്ഷം ഫോളോവേഴ്സുള്ള അക്കൗണ്ട് തുടങ്ങിയത് തിങ്കളാഴ്ചയാണ്. 21 പോസ്റ്റുകളാണ് അക്കൗണ്ടിലുള്ളത്. ഇവയെല്ലാം തന്നെ നരുഹിതോ ചക്രവർത്തിയും പത്നി മസാക്കോയും ഔദ്യോഗിക ജോലികൾ നിർവഹിക്കുന്നതിന്‍റെ ഫോട്ടോകളും വീഡിയോകളുമാണ്. ലൈക്ക് ചെയ്യാൻ സാധിക്കുന്ന ഈ പോസ്റ്റുകളിൽ കമന്‍റുകൾ നിരോധിച്ചിരിക്കുകയാണ്. ജപ്പാനിലേത് രണ്ടു സഹസ്രാബ്ദത്തിലധികം പഴക്കമുള്ള രാജവംശമാണ്. പുതിയ സോഷ്യൽ മീഡിയ അക്കൗണ്ട് തുടങ്ങിയിരിക്കുന്നത് രാജകുടുംബത്തെക്കുറിച്ച് പുതുതലമുറയിൽ അവബോധമുളവാക്കുന്നതിന് വേണ്ടിയാണ്.