യൂറോപ്പിലുടനീളം അനുഭവപ്പെടുന്ന അതിശക്തമായ ഉഷ്ണതരംഗം ജനജീവിതത്തെ സാരമായി ബാധിക്കുന്നു. ഫ്രാൻസിൽ ചരിത്രത്തിലെ ഏറ്റവും ഉയർന്ന താപനിലയാണ് രേഖപ്പെടുത്തിയിരിക്കുന്നത് (Europe Heatwave). ഈ കടുത്ത ചൂട് വൈദ്യുതി വിതരണ സംവിധാനങ്ങളെ തകരാറിലാക്കിയതോടെ ഫ്രാൻസിലെ ഫിനിസ്റ്റെർ മേഖലയിൽ ഏകദേശം 68,000-ഓളം വീടുകളിൽ വൈദ്യുതി ബന്ധം വിച്ഛേദിക്കപ്പെട്ടു. കെട്ടിടങ്ങളും അടിസ്ഥാന സൗകര്യങ്ങളും ഇത്രയധികം താപനിലയെ പ്രതിരോധിക്കാൻ സജ്ജമല്ലാത്തതാണ് പ്രതിസന്ധി രൂക്ഷമാക്കുന്നത്.
യുകെയിൽ ചൂട് കാരണം പല സ്കൂളുകളും നേരത്തെ അടയ്ക്കാൻ നിർദ്ദേശം നൽകിയിട്ടുണ്ട്. ഇറ്റലിയിലെ റോം, മിലാൻ ഉൾപ്പെടെ 16 നഗരങ്ങളിൽ ആരോഗ്യമന്ത്രാലയം ‘റെഡ് അലർട്ട്’ പ്രഖ്യാപിച്ചു. പോളണ്ട്, ക്രൊയേഷ്യ, ഹംഗറി തുടങ്ങിയ കിഴക്കൻ യൂറോപ്യൻ രാജ്യങ്ങളിലേക്കും ഉഷ്ണതരംഗം വ്യാപിക്കുകയാണ്. സ്പെയിനിൽ ചെറിയ തോതിൽ ആശ്വാസം ലഭിച്ചു തുടങ്ങിയെങ്കിലും, പടിഞ്ഞാറൻ യൂറോപ്പിന്റെ മറ്റു ഭാഗങ്ങളിൽ വരും ദിവസങ്ങളിലും കനത്ത ചൂട് തുടരുമെന്നാണ് കാലാവസ്ഥാ നിരീക്ഷകർ നൽകുന്ന മുന്നറിയിപ്പ്. ആഗോളതാപനവും കാലാവസ്ഥാ വ്യതിയാനവുമാണ് ഇത്തരം തീവ്രമായ ഉഷ്ണതരംഗങ്ങൾക്ക് കാരണമെന്നും വിദഗ്ധർ ചൂണ്ടിക്കാട്ടുന്നു.
Summary: Western Europe is grappling with a severe, record-breaking heatwave that has severely strained infrastructure, causing power outages for thousands in France and forcing school closures in the UK. Italy has declared red alerts across 16 major cities, including Rome and Milan, as the extreme heat spreads into Eastern Europe. With temperatures reaching dangerous levels between 39°C and 41°C, authorities across the continent are urging caution, as experts link these intensifying heatwaves to long-term climate change.
