ഫ്രാൻസിൽ കാറിന് നേർക്ക് വെടിവയ്പ്; മൂന്ന് മരണം
May 21, 2023, 23:50 IST
പാരിസ്: ദക്ഷിണ ഫ്രാൻസിലെ മാർസെ പട്ടണത്തിൽ അക്രമികൾ നടത്തിയ വെടിവയ്പ്പിൽ മൂന്ന് പേർ കൊല്ലപ്പെട്ടതായി റിപ്പോർട്ട്. ലഹരിക്കടത്ത് സംഘത്തിൽപ്പെട്ടവർ തമ്മിലുള്ള തർക്കമാണ് ആക്രമണത്തിൽ കലാശിച്ചതെന്നാണ് സൂചന. നഗരത്തിലെ ഒരു നിശാക്ലബിൽ നിന്ന് പാർട്ടി കഴിഞ്ഞ് മടങ്ങിയ അഞ്ചംഗസംഘത്തിന് നേരെയാണ് ആക്രമണമുണ്ടായത്. കാറിനുള്ളിലുണ്ടായിരുന്ന രണ്ട് പേർ യാതൊരു പരിക്കുമില്ലാതെ രക്ഷപ്പെട്ടു. വെടിവയ്പ്പിന് ശേഷം അക്രമിസംഘം സ്ഥലത്ത് നിന്ന് കടന്നുകളഞ്ഞു. സംഭവത്തിൽ പോലീസ് അന്വേഷണം ആരംഭിച്ചു.