20,000 കാട്ടാനകളെ ജർമനിയിലേക്ക് അയയ്ക്കുമെന്ന് ഭീഷണിപ്പെടുത്തി ബോട്സ്വാന
Apr 4, 2024, 13:54 IST
ബെർലിൻ: തങ്ങളെ പരിസ്ഥിതി സംരക്ഷണത്തെക്കുറിച്ചു പഠിപ്പിക്കാൻ വന്ന ജർമനിയിലേക്ക് 20,000 കാട്ടാനകളെ അയയ്ക്കുമെന്നു ഭീഷണിപ്പെടുത്തി ബോട്സ്വാന പ്രസിഡന്‍റ് മോക്‌ഗ്വീറ്റ്സി മസീസി. ഈ ഭീഷണി പരിസ്ഥിതി സംരക്ഷണം മൂലം ആനകൾ പെരുകി ശല്യം സഹിക്കവയ്യാതായ സാഹചര്യത്തിലാണ്. ബോട്സ്വാനയിലുള്ളത് 1,30,000 ആഫ്രിക്കൻ ആനകളാണ്. രാജ്യത്തിന് ഉൾക്കൊള്ളാവുന്നതിനും വളരെക്കൂടുതൽ എണ്ണത്തിലുള്ള ഈ കാട്ടാനകൾ വൻതോതിലാണ് കൃഷി നശിപ്പിക്കുന്നതും ജനങ്ങൾക്കു ശല്യമുണ്ടാക്കുന്നതും. ഇവയുടെ എണ്ണം നിയയന്ത്രിക്കാനുള്ള ഏകവഴി വിനോദത്തിനുവേണ്ടിയുള്ള വേട്ടയാടലാണ്. ഇത് ബോട്സ്വാന ജനതയ്ക്കൊരു വരുമാനമാർഗ്ഗം കൂടിയാണ്.